金殿宴會廳 Golden Palace Banquet Hall

服務詳情

服務種類:
婚宴服務
整體評分:
4.55
4.6分
服務/套餐價格:
中式: HK$7470/圍 起
30

評語 提交評語

EddieWan 2017/12/18 00:07:24

(金殿海景宴會廳)
我想借呢個機會多謝Maggie,我覺得佢好細心好詳細,佢會解釋曬所有佢負責既野比我聽,包括婚禮流程啊,公司有咩plan提供比我地啊之類,同埋因為佢個度特別在於有個露台,係一個戶外證婚場地黎既,仲有直播,比室內既親朋好友都睇到,咁佢就帶我地行咗一次,然後都有帶我地行化妝間,跟住都有講下有啲咩提供到比我地,例如油畫架,簽到臺之類,甚至連簽名簿都拎比我地睇。

我覺得佢地既地點真係好正,仲有個view都好好,同埋有個露台!朝早個流程佢地都有提供意見比我地,因為我擺午宴既,所以佢地都有比意見我,話我聽朝早要點樣,因為佢地成日都做,好有經驗。雖然擺午宴流程會趕啲但係對老人家就舒服啲。最記得係Maggie係我去到之前就已經打點好曬所有野,一路既流程都有提我地應該要點做,準備好既野,比如餐前小食已經準備咗都會覆返我,我覺得咁樣真係好好,一來我未必樣樣野都記得,二來起碼比我知道發生咩事。然後佢地食物質素都好好,好似有一枱就比較多小朋友,所以雖然食唔曬但都有人拎走,我估如果唔好食都唔會拎走啦哈哈!聽佢地講食物都幾足料~~而且因為酒金殿本身就有兩個佈置可以揀,然後我覺得都ok,例如簽到臺本身佢都有少少佈置,我都係用返佢個啲,我覺得都已經好足夠~~

整體滿意度 
4.5
服務態度 - 婚前接洽 
4.5
服務態度 - 婚宴當日 
4.5
場地環境 
4.5
食物質素 
4
服務承諾達到 
5
價格適中 
4.5
商戶名稱
金殿宴會廳
婚宴日期 
2017/12/03
是次最終消費 
HK$ 8000
 / 圍
Vivi 2017/09/19 11:04:23

除咗金殿,我自己之前睇過club one,但覺得個格局同景唔係咁靚,因為我真係好鐘意海景,所以後來就confirm咗金殿。

Serve我哋嘅經理Maggie好幫得手,有問必答。佢有提醒我哋圍數號碼有4字嗰啲會唔要,而關於婚禮過程中要注意嘅細節佢都好細心答我哋。

到婚宴當日,出場嗰時佢有一個噴煙效果,之前都無諗過有,所以都幾驚喜。Maggie都有好盡心咁一直喺度幫手,帶我出場時又提我要點行同幫我捧裙。不過當晚服務嘅姐姐唔知係咪炒散,好似對婚宴唔係好熟手咁,影相時,佢見台上唔夠凳,就推一位背住台嘅賓客張凳。咁個賓客唔知咩事梗係企咗起身,之後個姐姐就攞走咗張凳俾台上啲人坐嚟影相。嗰位客人仲要係女家主家席嘅賓客!好在Maggie佢都見到,都有即刻話嗰位姐姐,所以我之後都無再出聲。後來又有另一枱賓客同我講返有姐姐倒瀉咗橙汁落個賓客身度。我諗可能啲經理級嘅人士真係要喺開席前提醒啲姐姐要小心啲。

不過除咗啲姐姐之後,其他嘢都好OK,無咩問題。特別係個海景景色真係無得彈,個個賓客都話靚!之後嗰日我開whatsapp見到好多人都轉咗相,個背景就係金殿嘅靚海景。我哋證婚都出咗去露台位置,有靚景背景,係風比較大啲啫!

整體滿意度 
4.5
服務態度 - 婚前接洽 
4
服務態度 - 婚宴當日 
3.5
場地環境 
4.5
食物質素 
4
服務承諾達到 
4
價格適中 
5
商戶名稱
金殿宴會廳
婚宴日期 
2017/06/26
是次最終消費 
HK$ 7000
 / 圍
wusimkwan 2017/02/17 20:52:23

(金殿海景宴會廳)
當初我哋都係周圍行去搵酒樓,咁啱行過就搵到金殿,上到去見到又okay喎,仲俾個露台吸引咗,而且呢間酒樓有LCD電視,感覺冇咁outdated。

當日第一次見佢哋都即刻落咗單架喇,佢都係介紹吓唔同package,每個package佢哋都有細心講番係點樣嘅,跟住就帶我哋周圍去睇一次。我哋見到佢個環境幾好同埋唔係好多柱,都好滿意呀,所以就即刻join咗。

Sell我哋位同事叫Maggie,佢唔會當你係客人,真係好細心好friendly好似朋友,感覺好親切,所有你想知或者你冇講嘅佢都會講晒俾你聽。呢間酒樓係分三期俾錢嘅,佢哋都會預先通知我哋差唔多幾時要俾錢喇,亦都有提我哋如果keep住嚟俾少少俾少少到最後負擔就冇咁重咁樣,又話啲酒或者啲衫可以早啲安排拎去佢嗰度。

到big day當日,始終又要換衫又要化妝都比較忙。佢哋當日嘅安排令到個婚宴好流暢,唔需要我去擔心我自己要做嘅嘢。除咗有個員工跟住我之外,同司儀配合﹑音響﹑時間上等等都提住我哋,幾點或者差唔多時候要做啲咩都會提醒我哋。來賓都有讚佢哋好,啲嘢食煮得好同埋比起其他酒樓啲service都比較滿意!雖然我淨係食咗乳豬,不過覺得幾好食,聽啲賓客講個鮑魚做得好出色,唔會好淋又唔會好硬,啱啱好有番鮑魚應該有嘅水準。另外個場地都幾好,要咩有咩,spotlight嗰啲都有齊。各方面嚟講,我哋都十分滿意!

整體滿意度 
5
服務態度 - 婚前接洽 
5
服務態度 - 婚宴當日 
5
場地環境 
5
食物質素 
5
服務承諾達到 
5
價格適中 
5
商戶名稱
金殿宴會廳
婚宴日期 
2016/07/03
是次最終消費 
HK$ 8500
 / 圍
general user image Connie 2016/07/16 10:03:04

(金殿海景宴會廳)
之前都有睇過尖東皇府,但係個裝修唔係幾靚。後來聽朋友介紹話金殿環境幾好,所以就約上去睇。我睇完覺得嗰海景真係非常靚!加上嗰到連住地鐵站交通好方便,而我哋要既日子又係星期二,佢地好清楚咁列明平日係有折既,感覺好均真,所以都唔駛點考慮就即刻落訂。

結婚當日好順利,食物全部都好好味。另外要讚吓麥小姐好好,好周到,全日由開始到送客都好貼身咁照顧我。記得當時我敬茶既時候著住禮服都幾唔方便,時時又要跪低又要起身,當時真係好在有麥小姐全程係旁邊扶住我,所以好在有佢係身邊陪住我。:)

食物質素好好,聽朋友親戚都話好好食,而我就覺得個翅真係好好味。而到最後埋單都好順利,條數好清楚完全無問題而我哋好快就走得,唔會有啲不明白既費用。

我近期都有朋友搞緊婚禮而我都有介紹金殿俾佢地,始終真係地方靚服務好,嘢食好味而地點又方便既場地真係唔多,金殿真係一個好好既選擇!

整體滿意度 
5
服務態度 - 婚前接洽 
4.5
服務態度 - 婚宴當日 
5
場地環境 
4
食物質素 
5
服務承諾達到 
5
價格適中 
5
商戶名稱
金殿宴會廳
婚宴日期 
2016/04/26
是次最終消費 
HK$ 5600
 / 圍
wah111088 2016/04/05 10:15:10

(金殿海景宴會廳)
屋企有人飲過茶覺得都幾好,而後來發現佢地原來係識得裡面啲人,所以都唔駛點揀,基本上一坐低已經係傾細節架啦。雖然話係唔駛點揀,但係始終都有比較過其他既,記得我哋都睇咗幾間煌府同埋ClubOne西港城同埋紅磡嗰兩間。但係四大長老都一致覺得食物質素好重要而佢哋又聽過其他地方啲食物質素會參差啲,所以都話覺得金殿啲嘢食夠穩陣,所以都係建議我哋搵返金殿。

Maggie由頭到尾都跟得好足而又對個場地好熟悉,因為我哋都擺咗成三十圍,當中Maggie都俾咗好多提議我哋,例如點擺枱,應該點安排座位同埋其他流程既安排,都好多謝佢。場地嚟講30圍都真係已經幾盡,我哋係大概3x10咁擺啲枱而基本上已經係Max咗佢地既上限。雖然枱同枱之間都真係幾近,但係場地之間都其實留到2條都幾闊落幾通道俾人行,所以都唔會話行唔到既。而我都要讚阿Maggie,事關佢之前都真係提醒過我哋話廿幾圍其實就會舒服啲而三十就會有啲逼,佢真係解釋得好清楚而當我哋真係請到咁多人既時候都有充足既心理準備。而始終都係因為個場擺得好長,後來都有客人話佢哋座好後面嗰啲聽啲聲聽得麻麻地清楚,希望佢哋會留意可能啲咪要調得大聲少少。

佢地服務都真係好周到,而當日好多嘢佢哋都會有同事幫到我哋。例如响斟茶既時候Maggie都會全程係旁邊打點同埋幫手,而當日例如老爺突然花要俾speech,Maggie都好快可以調動到啲出菜安排去配合,真係好幫到手。

食物真係okay,客人都話好食,而都有留意到當晚啲侍應都係好好笑容既。

都想提埋就係佢送優惠嗰間花車公司,而嗰間公司真係好盡責,例如我有乜嘢更改佢哋都會打嚟再confirm一次,幾好因為都令我哋好安心!

整體滿意度 
4.5
服務態度 - 婚前接洽 
4.5
服務態度 - 婚宴當日 
4.5
場地環境 
4
食物質素 
4
服務承諾達到 
5
價格適中 
4.5
商戶名稱
金殿宴會廳
婚宴日期 
2016/01/24
是次最終消費 
HK$ 9000
 / 圍

頁面