香港金域假日酒店 Holiday Inn Golden Mile Hong Kong

服務詳情

服務種類:
婚宴服務
整體評分:
4.4
4.4分
服務/套餐價格:
中式: HK$7000 - 8999/圍 起
西式: HK$400 - 599/位 起
48

照片集

影片集

套餐價格及詳情

暫未啟用

套餐價格及詳情

暫未啟用

評語 提交評語

dydydyman 2018/10/14 15:19:00

我地本身搵場地嘅時候主要就係想搵啲無柱位同埋樓底可以高啲嘅場,擺大概18圍左右。我地比較過幾間酒店嘅場地同埋菜單,覺得Holiday Inn真係幾適合,加上自己識人喺嗰度做,所以都決定喺Holiday Inn度擺。

開頭我地同sales溝通嘅時候,佢地都講解啲細節都好清楚,同埋感覺到佢地幾貼心。例如我地係rundown上面同酒店嗰邊點樣夾,呢啲小節佢地都會提我地去注意。

Big day個日有一位同事負責跟新娘,個位同事都好好。我覺得佢好貼心,好擔心我會跌親~係march-in前,佢就幫我攞住條裙,又教我要攞住條裙嘅邊個部分同埋要點樣行,真係好唔想我會kick到自己或者跌親~!

整體當日其他嘢都幾好,不論係前台同事或者係啲菜色都唔錯,係正常standard~

整體滿意度 
4
服務態度 - 婚前接洽 
4.5
服務態度 - 婚宴當日 
4.5
場地環境 
5
食物質素 
4
服務承諾達到 
4.5
價格適中 
4
商戶名稱
香港金域假日酒店
婚宴日期 
2018/03/31
是次最終消費 
HK$ 13000
 / 圍
Tina.g 2018/04/10 15:23:35

係朋友介紹既,我想要個ball room無柱同樓底高,佢地都fit 我既!我擺左32圍,D staff都好好,係落訂後由一個人由頭跟到尾,都跟得好足,例如我個sitting list, big day個日要再adjust,佢都主動發現幫我改!上餸d waiter服務都好好,佢地又會assigned 個staff比我,問我飲唔飲水!D食物都夠熱,個脆皮雞好好食! 個流程都好smooth無甩漏!唯一比較可以改善係個新娘房比較細,我D姊姊入唔曬去,不過都係minor嘢!

整體滿意度 
4.5
服務態度 - 婚前接洽 
4.5
服務態度 - 婚宴當日 
5
場地環境 
5
食物質素 
4.5
服務承諾達到 
5
價格適中 
4.5
商戶名稱
香港金域假日酒店
婚宴日期 
2017/12/30
是次最終消費 
HK$ 13000
 / 圍
EmilyBBB 2018/02/15 09:52:22

其實我係有朋友係Holiday Inn做front office,同時我中意佢個場無柱同夠高,所以揀咗喺呢度擺,total擺左19圍。

其實成個過程都好smooth,D staff都好幫得手。當日最後送客個時,大家都反應D食物質素幾好。員工更將D嘢食re-heat完送上房比我地食,所以感覺非常好。最難忘係個音響system,我地條片係佢地system播唔到,D staff好積極幫我地,幸好最後播到。不過如果佢地可以參考其他酒席,比主人家試左菜先出會更加好,同埋個場有窗就更加理想!

整體滿意度 
4.5
服務態度 - 婚前接洽 
4.5
服務態度 - 婚宴當日 
4.5
場地環境 
4
食物質素 
4.5
服務承諾達到 
4.5
價格適中 
4
商戶名稱
香港金域假日酒店
婚宴日期 
2017/11/21
是次最終消費 
HK$ 11000
 / 圍
Jubi 2017/12/21 23:31:24

其實我睇咗好多間酒席,其中有啲負責酒席嘅員工對婚禮流程根本唔熟悉,真係愈傾愈唔對路!!聽Maggie講就真係make sense 啲,講得好清晰,聽得出佢好熟悉成個流程,覺得Maggie根本就係我哋嘅 Wedding Manager!

佢哋嘅服務態度真係好好,無論係其他部門嘅同事,定係big day當日幫我嘅同事,甚至係妹妹都好好,feel到佢哋唔係想交貨咁簡單,而係好有熱誠,好想做好成件事!例如經理會就住rundown俾意見我哋,佢態度好好,好有耐性咁同我講,就算我哋有唔同嘅意見,佢都無任何唔好嘅面口,好有禮貌,好尊重我!而Big day當晚,好多親戚朋友都讚個經理好好,全場幫我打點。就連婚宴嘅waiters都好有禮貌,如果係其他酒樓/酒店,好多時賓客未食完已經開始收嘢,或者啲碗碟會「bang bang」聲,但我聽返黎嘅feedback都好好,所以都send咗個email去讚揚個經理!另外,負責同我開會嘅Natalie都好好,感覺到佢係好投入佢嘅工作,佢會不斷提我係時候要開會,同埋亦有提醒我哋好多婚禮嘅細節。因為我wedding有舞獅時間,佢就特別安排時間俾我哋rehearsal一次。喺rehearsal過程中,我見佢係仲肉緊過我!而big day當晚幫我嘅妹妹Karen雖然比較新,不過佢真係好有熱情,而且講嘢時好溫柔,燥底嗰陣聽到都舒服啲!佢仲成日同我講:「有咩幫到你啊?我喺新娘房出面等你啊,你唔洗急啊,我去做啲嘢先等陣返黎啊~!」我覺得佢好有交帶!

至於場地環境方面,個場好靚,樓底又夠高,而且啲燈光都好靚,感覺好舒服,地方好得體。我擺咗32圍,後面都仲有位俾我放咗兩隻獅子!不過新娘房就比較窄,地氈比較舊,但我覺得整體嚟講,呢個價錢得到呢個服務已經超值!另外,音響方面,其實宜家好多地方都係就咁插手指就得,但佢哋仲用緊dvd/cd,而當晚有啲相可能因為技術上既問題播唔到,如果佢哋可以更新吓啲音響設備就更加理想!不過我覺得呢啲都唔係大問題,因為佢哋每個員工都咁熱心,已經覺得自己好有福氣!

當晚我哋成11:30先散,但佢哋都冇催我地交場。我真心多謝一班用心的員工,令我結婚前一路都無擔心過任何野,我覺得真係好難遇到呢啲咁好嘅團隊!因為佢哋實在太好,我婚後都介紹holiday inn俾我啲朋友!

整體滿意度 
5
服務態度 - 婚前接洽 
5
服務態度 - 婚宴當日 
5
場地環境 
4.5
食物質素 
5
服務承諾達到 
5
價格適中 
4.5
商戶名稱
香港金域假日酒店
婚宴日期 
2017/10/10
是次最終消費 
HK$ 12188
 / 圍
香港金域假日酒店 2017/12/28 17:41:31
親愛的Jubi,您好,萬分感謝您對香港金域假日酒店的婚宴服務與場地的喜愛,並分享如此寶貴的美評,我們更高興得知酒店婚宴專業同事細緻用心的服務態度能獲得您的肯定。您的鼓勵和讚賞將會是我們酒店婚宴團隊更專業服務的最佳動力。再次感謝您詳盡的好評,歡迎您再度到來,與摰愛共享紀念日的甜蜜時光!香港金域假日酒店 謹啟
Joeyko 2017/05/13 21:14:35

Holiday Inn係婚展嗰陣confirm嘅,話晒牌子都夠耐啦,所以都覺得應該okay,態度都係唔錯嘅。好記得當時個ball room可以分ABC三格,sales只係confirm咗AB兩格,當時講明C嗰格唔可以俾實我住,因為當天係好日,佢地都話如果賣唔到都可以俾番我用。臨到結婚前佢地係賣到嗰格,攞唔晒佢成個ball room,只係攞到AB兩格,兩個人march in就啱啱好,唔係太鬆動,不過都唔係逼嘅,可以再闊落少少就好喇。

啲staff都幾好,都知道佢地好有經驗。有一位staff跟住我先生照顧佢嘅,我先生就話嗰位唔錯。跟住我嗰位妹妹就唔夠經驗喇,太後生。佢態度okay,知道我口渴都會攞嘢俾我飲,知道我搽咗唇膏都會記得擺飲管嘅。但係我姊妹都有留意到呢個妹妹幫我處理啲衫呀裙尾嘅時候就真係睇得出經驗真係唔夠喇,如果俾個多啲經驗嘅妹妹我就更好啦。

食嘢我就冇咩食過啲咩,不過我聽當日有一位賓客講返,有位侍應拎餸就倒瀉咗整到烏糟咗,我親戚就好好,都冇話搞大件事,但係始終都冇expect到一間咁大嘅酒店會做到咁唔小心!

另外化妝間嗰度就真係細,當時喺場地自己一個人就okay嘅,但係到結婚嗰日原來奶奶姊妹化妝師入埋嚟就真係逼喇,同埋佢地新娘房入面係冇廁所嘅,係要行番出出面嘅。呢一點都反映過俾酒店聽,佢都係回應番係結構問題,所以都冇辦法喇,但係諗番轉頭個新娘房真係好細。

其他嘢都okay嘅,hardware燈光舞台等等都唔錯。我好記得就係我有個朋友知道我喺嗰度擺,我問佢啲音響器材得唔得,佢就話佢自己個司儀同佢講話一定冇問題,因為佢成日幫佢啲朋友客串喺嗰度做司儀,呢樣都唔錯嘅。

整體滿意度 
4
服務態度 - 婚前接洽 
4
服務態度 - 婚宴當日 
3.5
場地環境 
4
食物質素 
4
服務承諾達到 
4
價格適中 
3.5
商戶名稱
香港金域假日酒店
婚宴日期 
2016/12/24
是次最終消費 
HK$ 12800
 / 圍

頁面