香港迪士尼樂園酒店 Hong Kong Disneyland Hotel

服務詳情

服務種類:
婚宴服務
整體評分:
4.65
4.7分
服務/套餐價格:
中式: HK$15000 - 16999/圍 起
西式: HK$1000 以上/位 起
51

照片集

影片集

套餐價格及詳情

套餐名稱: 
迪士尼童話婚禮中式晚宴(一)
套餐價格 
HK$15,588/起
套餐名稱: 
迪士尼童話婚禮中式晚宴(一)
套餐價格 
HK$21,888/起

套餐價格及詳情

套餐名稱: 
迪士尼童話婚禮西式午宴(一)
套餐價格 
HK$1,088/起
套餐名稱: 
迪士尼童話婚禮自助午宴
套餐價格 
HK$1,088/起
套餐名稱: 
迪士尼童話婚禮西式晚宴(一)
套餐價格 
HK$1,299/起
套餐名稱: 
迪士尼童話婚禮西式晚宴(二)
套餐價格 
HK$1,799/起
套餐名稱: 
迪士尼童話婚禮證婚套餐
套餐價格 
HK$75,000/起

評語 提交評語

ipjustin 2018/07/05 14:59:28

我哋結婚之前已經好鐘意迪士尼酒店嘅環境,所以結婚都冇睇過其他酒店,一嚟就book迪士尼。首先遠離煩囂,入到去好似真係去咗一個度假勝地咁,將自己嘅壓力完全放低,同埋之前我未被人求婚之前都做過啲research,啲人都話入面service好好,好貼心,覺得佢好與別不同,所以就揀咗。

場地其實唔難搵,由被求婚到擺酒都兩年,我哋兩年前已經book咗迪士尼,嗰時好易book,都驚加價,所以盡早book。都知迪士尼好搶手,所以一夾咗個期就即刻打去迪士尼問。另外都知道每年加價,早啲book計翻舊個價錢,反正都有個期,就決定早啲book。我哋首先打電話去sales department,就有人打翻比我哋傾各樣detail。Serve嗰位同事叫Vicky,佢好好,好親切,好有耐性,我哋兩個都好多問題,好多都好無聊,但佢都好耐心咁答我哋。例如迪士尼wedding有分好多唔同theme,只可以係嗰四個theme入面揀,我自己係度諗,如果我鐘意Toy Story,可唔可以將個場變Toy Story,但其實係唔得,因為迪士尼嘅朋友只可以係合適嘅環境出現,Toy Story係玩具世界,所以佢哋唔可以出現。我哋問咗好多類似嘅問題,佢都好耐心咁解答我哋,態度好好。同埋我哋都用咗唔太適當嘅詞語稱呼佢哋,例如要搵公仔大概要幾錢,其實我哋應該稱呼佢哋做迪士尼朋友。

婚宴當日,每一個岡位都好貼心,同其他酒店婚宴唔同嘅係佢哋每一樣嘢都好專業,例如播音樂佢哋真係有監製係後面決定幾時咩位去播,有一個音樂監製同埋三個crew,我可以節省咗呢筆錢。如果你係出面酒店擺酒,想音樂做得專業啲,就要係出面請隊人幫你負責播放現場音樂,但呢樣迪士尼包埋,我覺得咁樣好好,我哋就無需要顧及咁多嘢。佢哋播音樂嘅位真係好準,落蛋糕嗰一吓,個音樂就會播出嚟,個位真係好準。同埋佢哋有stage management,負責台上各樣表演,或者幾時出場,佢負責一個統籌嘅角色,好似一場show咁,有一個現場監製去決定每一個呢一刻做咩嘢,或者MC要講多幾分鐘嘢,都會比個signal佢,呢樣係出面酒店唔會有,又係迪士尼包埋,我好surprise,真係好專業好貼心。賓客feedback翻嚟都話啲嘢好好食,都係熱辣辣嘅,食物夠熱,乳豬夠脆,甜品好食、擺設好精緻,聽翻嚟都係好。

但我覺得有啲位嚴咗少少,我哋好想甜品有迪士尼造型,原本想係出面搵bakery做,但比咗好多樣版佢哋都唔成功,因為可能侵權所以唔批准,但我自己私底下知道,過往有人係迪士尼擺酒係有人批准嘅,比佢哋係出面搵公司做,我唔知點解我哋又唔批。舉個例,有哋曲奇餅係公主造型嘅裙,糖霜曲奇餅,宜家好興,當然冇公主個頭,純粹條裙,一睇落去就知道係公主裙,另外仲有Tsum Tsum,但呢啲全部唔批准,因為涉及版權問題。其實我哋真係好想整,如果呢度放寬少少會好啲。如果真係覺得侵權,會唔會話新人比翻少少版權費,就可以比佢哋擺係迪士尼大堂比啲賓客食呢?之後佢都有一個版建議比我哋,佢就話不如幫我哋做某幾款macaron,由佢哋餅房去整,最後都算解決咗件事,都okay嘅。美中不足嘅係某幾款造型嘅曲奇餅同macaron我哋真係好想要出現係我哋wedding,但就唔可以整出嚟,即使係出面餅房整都唔得。但態度okay嘅,好盡力幫我哋解決問題,只不過公司品牌有規例規限住,好想幫我哋都幫唔到。 

另外有個位都嚴咗啲,我哋想係出面整個second backdrop,但就規限咗一定要用防火物料,呢一樣令我哋出去搵人做second backdrop個價錢double咗,首先因為個物料,第二我哋要搵一個認可嘅contractor幫我哋搭建,呢度全部都係要double價錢。但我知道出面擺酒係唔需要防火物料,就唔需要認可嘅contractor,價錢可以縮減好多。可能迪士尼好多嘢都要安全,呢樣我覺得嚴咗少少。

同埋希望late check out唔好咁貴就好,佢哋都已經比我哋exempt去到十一、二點,但其實我哋想加多半日,因為真係好攰,所以想晏少少走,但原來遲走要比翻原價,我哋就覺得好貴,如果可以比多啲discount就好。

仲有樣好感激迪士尼嘅事係臨結婚嗰時,我屋企有啲會變動嘅因素,屋企人身體麻麻地,我哋嗰時都唔知可唔可以如期搞到個婚禮,所以即時同迪士尼講,嗰時距離結婚大概仲有兩個月。迪士尼好好,比我哋internal mark第二日available嘅日子,仲要係唔洗加錢,比我哋hold住個場,無條件地hold住個場。所以最後我哋12月結婚,仲有一個2018年6月嘅期,比我哋做一個後備選擇。我覺得呢嗰好好,佢哋係我哋屋企人唔舒服、好多嘢需要做backup嘅時候,佢哋幫我哋解決咗一個大難題,同埋佢哋唔收我哋extra cost,我覺得真係好好。

整體滿意度 
4.5
服務態度 - 婚前接洽 
4.5
服務態度 - 婚宴當日 
5
場地環境 
5
食物質素 
4.5
服務承諾達到 
4
價格適中 
4
商戶名稱
香港迪士尼樂園酒店
婚宴日期 
2017/12/16
是次最終消費 
HK$ 20000
 / 圍
yukkk 2018/06/08 00:05:10

我好想自己個婚禮可以有outdoor草地同埋要可以容納到三百幾個賓客,所以其實都唔喺太多選擇。我都去睇過淺水灣映灣園,但喺就覺得太細,黃金海岸又太舊...於是就搵到Disney。我覺得佢場地夠大,,又四四方方,服務都好就揀咗佢哋。我上Disney網頁登記咗想搞婚禮就有人聯絡我。

Disney嗰邊結婚4個月前先會有wedding planner聯絡我,之前就一直由sales跟進。我覺得Sales Vicky真係幫咗我好多,我有好多要求同問題,都有諗辦法幫我。因為喺Disney擺酒佢哋公司都好多restrictions同條例,例如蛋糕同decoration有preset、好多嘢唔可以有自己logo等等。因為我想用其他啲band就要有approval,佢哋要睇隊Band喺咩人。當時Vicky就幫我預備晒啲流程同埋要簽啲咩文件去申請用其他band,又幫我哋同隊band聯絡,所以最後都成功咗!除此之外其實我仲有好多無理同好麻煩嘅要求.. :P(我覺得真係太多restrictions, 不過我諗可能係美國公司policy),但係wedding planner Yannes都好努力同好用心幫我。例如...草地有preset,但我又想用啲自己嗰啲,因為我鐘意有好多花,就喺出面搵花藝公司幫我預備另一啲deco。佢就又幫我去攞approval,又幫我同vendor communicate。不過佢哋應該真係好忙,我成日見佢都好夜先收工,有時都不免有啲唔記得覆我同confirm要耐少少,但係婚宴當日絕對喺無問題的。另外,迪士尼可以請卡通人物出嚟,但係要預時間安排, 1個月前就要confirm,因為佢哋啲schedule都好full。嗰時我confirm咗夜晚,但後來我諗諗吓又想下午都請卡通人物,都搞咗一輪,佢哋都幫我arrange到下午有米奇。我成日改變主意,佢哋都同幫我改同好快執生,真係好helpful!

場地方面,我覺得婚宴嘅table setting都好靚。佢哋本身有幾個theme可以揀,同埋backdrop一定要佢哋定的,都整得好靚。不過呢樣嘢就有好有唔好,睇你個人自己鐘唔鐘意。好就係唔使諗,因為已經SET好晒;唔好就係其他朋友去迪士尼擺酒嘅話就會一模一樣。

另外,結婚嗰晚啲assistants真係令我好impress,尤其喺跟我嗰個真係非常之好。散場之後已經好攰,又無食嘢,一上到房發現佢哋已經喺酒店房預備好晒啲食物俾我哋食!唔單止喺咁,我對腳因為成日都著住高跟鞋好攰,我換衫之後都無request,我個assistant就自動自覺suggest不如攞對拖鞋俾我換!!其實我已經攰到唔記得咗可以咁做,佢仲主動幫我做咗呢樣嘢,真係令我舒服好多。然後我自己帶咗好多decorations同props放晒喺新娘房,完咗晚宴之後佢哋都好主動咁幫我執好晒。我乜都唔使講,已經幫我送晒上酒店房,好快手!

整體滿意度 
4.5
服務態度 - 婚前接洽 
5
服務態度 - 婚宴當日 
5
場地環境 
5
食物質素 
4
服務承諾達到 
4.5
價格適中 
4
商戶名稱
香港迪士尼樂園酒店
婚宴日期 
2017/12/23
是次最終消費 
HK$ 20000
 / 圍
blytheling811 2018/06/02 22:40:51

迪士尼比人嘅感覺好夢幻,好特別,唔同一般酒店,又好少人係嗰度擺酒。當時我哋仲有考慮Ritz Carlton、Shangri-La 等等,但因為檔期問題、樓底又矮、又擺唔到我哋想要嘅圍數,所以都係揀迪士尼。我哋一開始email左迪士尼,當時幫我哋嘅sales叫Carmen,wedding planner叫Yannis。Carmen冇hard sell我哋咩嘢,反而係我哋好多要求,例如我哋搵咗個30幾人既orchestra過去,但因為個brand嘅問題唔可以亂咁帶entertainment嘅嘢過去,佢都會幫我哋同個manager爭取。佢有三個floor,佢upgrade咗我哋唔洗用曬minimum charge個錢,本身去最大個房要78萬,佢就50幾萬都比我哋係嗰度擺,因為見到我哋好犀利,啲嘢好靚,佢就想擺位係最好嘅,所以比我哋最大嘅ballroom。我哋想march in背景音樂喺live,所以請咗香港業餘管弦樂團,都會出去表演嗰啲嚟嘅。我哋本身都係做event,想一世人難忘啲,所以捨得花費啲去買個難忘嘅經歷。迪士尼都話有人嚟做管弦樂都係第一次,sales Carmen都好幫我哋。

Wedding planner Yannis都有幫我哋諗個表演安排點樣最流暢,我哋仲有請Mickey同Minnie過嚟。以往係新人上咗台先,再請Mickey同Minnie上台。我覺得好奇怪嘅一個位喺,所有guest都望向Mickey同Minnie,對新人就企咗喺台上面,成班人就望住Mickey同Minnie入嚟。咁不如就我哋兩個坐係度,全場矚目望住Mickey同Minnie入嚟先,再請我哋上去,咁嘅步驟會好啲,舒服啲,所以Yannis同Carmen有幫我哋request同entertainment去傾可唔可以咁做。佢哋都話未試過咁做,但佢哋好好都有幫我哋,盡量配合我哋。

另外我哋台上有嗰魔術表演,有朋友sponsor我哋,佢哋都有配合我哋比我哋去做呢樣。我印象中宜家迪士尼係唔比外來嘅魔術師入去做表演,我哋話想做,佢哋都有配合我哋,我哋想要咩佢哋都盡量比我哋。另外出面我哋有兩塊影相嘅backdrop,有啲公司過嚟幫我哋手做,佢都有盡早交個場比production house嘅同事嚟幫我哋搞。

我哋晏晝做證婚,搵咗鄭家富律師幫我哋做證婚,我哋要就佢嘅時間,所以我哋要提早交場。Yannis盡早幫我哋拎到個場,令到我哋出面啲production同布置搞好曬,然後去就律師。我哋夜晚節目好豐富,所以唔想將證婚安排係夜晚,所以分開晏晝搞證婚同影相。啲guest睇完我哋證婚,就有啲photo booth比啲即影即有相機佢哋玩,到夜晚就入場食飯,我哋就希望所有位都冇冷場。有photo booth,有影相位,有相簿睇,有得打麻將。我哋做開呢一行,會睇埋你個stage上面啲地毯係咪全新,定係用過二手嘅。

去到夜晚我哋走,酒店同事直程幫我哋pack嘢,我哋太多嘢啦,兩個人夾埋十套衫,每人五套衫,加埋我媽咪、岳母,十幾套衫。仲有好多紅酒、其他嘢,佢哋都有幫手pack上車,同我哋一齊玩到好夜。好開心嘅喺佢哋比翻嘅feedback我哋喺「婚紗又多,節目又多,但rundown keep得好好」,佢哋話好少有新人啲rundown keep得咁正。我自己都係呢一行,台上台下我都出咗十幾個同事有曬walkie,所以佢問翻我轉頭係咪做呢一行,我好開心佢覺得我哋好專業,因為我哋冇同酒店同事講我哋做呢行。

我哋攝製團隊都有成十二個人,Yannis又安排到房比佢哋;MC又請咗artist,都有比間房佢哋休息,盡量好多嘢都配合我哋,好深刻。佢哋hold起咗成個場比我哋,另外兩間房都冇賣出去,成個婚禮好private。有啲酒店樓底低,我想個樓底高啲,空間感大啲;有啲酒店check in個位連住ballroom個位,我會覺得好唔private,點解迪士尼酒店咁多藝人嚟搞event同party都係因為夠private。我哋嗰日都好好日,10月3號,早一年鬆啲前好多酒店都話full咗。Cinderella我哋攞咗;Snow White攞咗嚟做麻雀室,後半截攞咗嚟做orchestra rehearsal同休息室;另外有個場佢哋冇用到,就吉咗係度,成間酒店好似我哋包咗咁,真係好難忘。

聽翻我媽咪、岳母講,我哋結婚之後大概三個月見翻啲朋友,佢哋嘅feedback係好好,有幾可結完婚三、四個月仲講緊。有講到嘢食,例如蟹蓋、當晚嘅表演。賓客仲大讚啲啤酒,變咗我哋帶嚟嘅紅酒啲人都冇咩飲,我都唔知咩牌子,但佢哋話同平時唔同,好好飲。我哋都算一生冇遺憾,個婚禮都okay。我哋對好多嘢都有要求,最後都好滿意。

整體滿意度 
5
服務態度 - 婚前接洽 
5
服務態度 - 婚宴當日 
5
場地環境 
5
食物質素 
4.5
服務承諾達到 
5
價格適中 
4
商戶名稱
香港迪士尼樂園酒店
婚宴日期 
2017/12/03
是次最終消費 
HK$ 25000
 / 圍
ivy126hk 2018/05/28 12:59:59

坦白講,迪士尼當初並唔係我嘅首選,原因係地點真係比較遠,唔夠方便親戚朋友去飲,所以一開始時去睇左好多間其他酒店,幸好有睇過其他酒店,有比較之下,發現迪士尼真係做得好好,記得一踏入去Ballroom 果一刻,我就同自己講「係呢度啦」 ,夢幻甜蜜嘅感覺,正正係我想要嘅嘢

每一對新人都會獲派一位Event Planner , 協助處理及跟進當日嘅流程,我位Event Planner 係Yanis , 佢真係做得好好,無論係之前同我地開會傾流程,Whatsapp 覆我哋嘅查詢,定係當日證婚/ 晚宴的細節,Yanis 都勁細心好幫得手,遇到突發情況,好快就幫我地處理好,完全無需要新人擔心/ 抽時間處理,當日全日Yanis都陪住我哋,直到夜晚我哋送最後一位客人離開,佢先離開,當時已經接近12點,辛苦晒Yanis

旺日結婚+ 我好遲先決定搵Deco 公司佈置 Foyer + 做Second Backdrop , 心儀的Deco公司已經無期,幾經辛苦,Deco 公司先搵到師傅肯上午(11am ) 幫我地佈置,但問題係我擺晚宴,之前我從未聽過有酒店肯咁早交場俾新人做佈置, 合約上寫明係5pm先交場,抱住打定輸數嘅心情,就問下Yanis , 可唔可以上午俾我哋去佈置啦,我都明白一般情況來講係唔得嘅,估唔到第2日Yanis覆我 , 我個Ballroom 當日上午冇人Book,佢幫我幾經爭取下,酒店可以上午11點Foyer 位交場比我地,嗰一刻實在太開心

Big Day 前一個月,發生左「棚架」事件,老實講,唔傷心就假,當時Yanis 每日都打俾我地,細心解釋講返公司每日開會嘅進度,強調公司已經諗緊辦法處理,叫我地唔好擔心,大概一星期之後,收到回覆,酒店方面會加派人手趕工,預計我結婚前幾日就可以拆晒所有棚架,而事實上我結婚當日真係見唔到任何一個棚架,係呢件事上面,見到酒店方面有盡力去解決問題,並無推卸責任,所以都可以接受既

迪士尼真係不愧為迪士尼,搞Event 係佢地強項,全日流程有Yanis + 一位經理協理,進場前再同我地綵排多兩次,席前主動同我MC 開會對稿,我完全唔需要擔心出面發生咩事,只需專心化妝扮靚,結果當晚可以做到零甩漏,實在太感動,接近完美的一夜,另外值得一提,晚宴上,我哋安排左Mickey + Minnie 到場,確實帶動全場氣氛, 呢2 位迪士尼嘅朋友真係好受歡迎

最後如果時光倒流,俾我重新選擇多一次,我依然會揀迪士尼酒店,真係做得非常之滿意

整體滿意度 
5
服務態度 - 婚前接洽 
5
服務態度 - 婚宴當日 
5
場地環境 
5
食物質素 
5
服務承諾達到 
5
價格適中 
5
商戶名稱
香港迪士尼樂園酒店
婚宴日期 
2017/10/21
是次最終消費 
HK$ 25000
 / 圍
Nov2817yt 2018/03/26 12:25:36

Nicole 佢好細心,佢真係好好,幫我bargain到唔少嘢翻黎。例如,有一個surprising moment係我自彈自唱,但迪士尼要求我地要租佢個琴,而我係覺得貴,所以想自己帶啦。我將我既想法同Nicole講,佢都好有心幫我轉達,最後呢bargain到可以我自己帶琴去,真係好好。去到rehearsal,佢地team人真係好勁,保密得好好,連我老公、兄弟都唔知,得我班姊妹知。因為我係擺下晝所以好趕,然後佢地班crew會幫我諗好埋個琴點擺先靚。

另外,之後聽翻d新戚朋友講,lunch buffet D食物都好好質素!而貼身assistant阿虹真係好貼心,我入去換衫又遞水比我,又會幫我整裙,Very nice! 不過我覺得Micky同Minnie公仔出場時間同個價錢真係唔太成正比,出場30分鐘大概係9000幾,如果多多15分鐘會好D!

整體滿意度 
4.5
服務態度 - 婚前接洽 
4.5
服務態度 - 婚宴當日 
5
場地環境 
4.5
食物質素 
4.5
服務承諾達到 
5
價格適中 
3.5
商戶名稱
香港迪士尼樂園酒店
婚宴日期 
2017/11/28
是次最終消費 
HK$ 11600
 / 圍

頁面