唯港薈 Hotel ICON

服務詳情

服務種類:
婚宴服務
整體評分:
4.85
4.9分
服務/套餐價格:
中式: HK$11000 - 12999/圍 起
西式: HK$600 - 799/位 起
35

照片集

影片集

套餐價格及詳情

暫未啟用

套餐價格及詳情

暫未啟用

評語 提交評語

Peggyan 2018/03/29 08:31:34

我係PolyU畢業嘅,加上我擺33、34圍,一黎要搵翻咁大嘅場仲要冇柱選擇唔多,二黎都係因為Poly畢業所以揀Icon。之前我冇去過呢度飲,但我聽翻朋友啲feedback都okay嘅,所以一開始睇場睇左佢,同埋一兩間酒店,但最後都係好快就揀左呢度。負責安排我地睇場嘅同事Emmy真係好好,講解得好清楚,而個ballroom 無柱位有咁靚,我哋都決定俾訂。我就話我哋係 Poly 舊生,問佢會唔會有多啲優惠,佢話都有,不過點都唔夠婚展多㗎喇,Emmy佢叫我哋 hold 住唔好俾訂住,話如果我哋遲啲等婚展俾訂會再優惠啲,再送多啲嘢俾我哋!咁我哋就等到婚展再去探佢,佢又真係再送多啲嘢俾我哋。個package好好,送啲用得著嘅野,所以就覺得佢比其他酒店好。佢以前有舊生優惠嘅,不過唔夠去expo抵。

我真心想讚下Emmy,佢真係好好,跟得好足。佢好到我哋結曬婚,第二日下晝掛八號風球嘅,我哋還曬衫,佢仲問我哋係邊,請我哋係Icon下面個café食龍蝦同牛排,因為佢知道我哋忙到唔得閒食野。佢問我哋肚唔肚餓,叫我哋入去飲啲野食啲野。

Big day當日整體黎講好好。通常係話對新人梗係好啦,但so far問翻身邊啲親戚朋友嗰晚feedback佢哋都讚嘅,好多出面酒店都係炒散,其實佢哋通常用翻自己學生,或者佢哋相熟嘅人,所以冇人bad comment話佢哋serve得唔好,尤其斟酒佢哋係唔吝嗇嘅。

如果佢哋唔加咁多價錢,我哋到時生小朋友擺百日宴都會翻去㗎!

整體滿意度 
5
服務態度 - 婚前接洽 
5
服務態度 - 婚宴當日 
5
場地環境 
5
食物質素 
5
服務承諾達到 
5
價格適中 
4
商戶名稱
唯港薈
婚宴日期 
2017/06/11
是次最終消費 
HK$ 13000
 / 圍
rainycloud1010 2018/01/28 20:07:18

我對於婚宴場地其實都有啲expectation,揀場地時心目中有兩間心水酒店,分別係尖沙咀Holiday Inn同Hotel Icon,而睇過場地之後,我都係鐘意Hotel Icon多啲,而且之前聽過朋友嘅評語都係正面,雖然價錢較高,但場地方面Hotel Icon真係好多方面都更勝一籌!

首先hardware方面,Hotel Icon嘅燈光會比較cyber同現代化,其他設施嘅保養都好好,睇上去好新簇簇,雖然Holiday Inn都唔差,但係相對嚟講就比較傳統~

結過婚嘅sis都知,新娘房嘅配置真係好重要,因為當日又要換幾套衫,轉幾個妝,整幾個頭,如果新娘房唔夠大或者唔方便就好麻煩,而Hotel Icon間新娘真係冇得輸!夠大之餘仲內置洗手間,我地要換衫或者人有三急都可以房內解決,超正~

Banquet hall嘅位置亦都係我consideration之一,Hotel Icon嘅Banquet hall喺一樓,但Holiday Inn嘅Banquet喺地庫一層,比較之下Holiday Inn冇咁起眼,啲Guest未必咁易搵到入口。而且Hotel Icon嘅Banquet hall出面有一道cocktail bridge for guests chit chat,好實用,而Holiday Inn,一出Lift就係Reception,啲地方冇咁見使。

所以經過多重consideration之後,我地決定咗Hotel Icon做我地Big Day嘅Banquet hall。特別想讚吓Sales Emmy Wong同Banquet Manager Calvin,佢地兩位都好用心協助我地,我地提出嘅要求大部分都做到。特別係Calvin,早在試菜當日,Calvin已經在場招呼我地,由於一開始佢已經跟我地嘅banquet, 我地之間溝通得好好。

另外,佢哋嘅食物質素真係一流!!!之前我都試過呢間酒店嘅buffet,都對佢地嘅食物質素有信心,而係試菜嘅時候,更加顯出佢地嘅細心。每試一道菜,酒店都會要求我地寫返comment畀佢地。令我最impressed嘅係,Big Day之後問返,啲親戚都話廚房跟足我地啲comment去改善。其中一道鮑魚扒時蔬,老人家覺得芡汁稍甜,希望要推返稀啲,Big Day當天真係有稀到!試菜當日我地覺得糖水雪耳桂圓太足料,料仲多過水,我地希望佢料同水平衡返,Big Day當日都真係做到。坦白講,去飲宴都好少對食物有咩期望,但後來發現食剩嘅餸唔多,證明啲食物真係好味!試菜當日只需要煮6人份量,但Big Day當日要煮32圍,仍然保持到水準,亦做足我地要求,真係好唔簡單㗎!

不過Big Day當日都有少少美中不足嘅地方。因為籌備婚禮期間改過好多次sitting design,所以Big Day當日有少少mistake出現咗,我地發現有兩圍位置錯咗,可能係枱面Number擺錯咗,有啲較close嘅親戚變咗坐到門口,不過好彩好快發現到,即刻轉得返。不過我地都覺得其實可以理解嘅,最緊要係佢地應變能力快,好快就解決咗喇!

整體滿意度 
4
服務態度 - 婚前接洽 
4
服務態度 - 婚宴當日 
5
場地環境 
4
食物質素 
3.5
服務承諾達到 
5
價格適中 
4
商戶名稱
唯港薈
婚宴日期 
2017/11/04
是次最終消費 
HK$ 14000
 / 圍
Chwyan 2017/12/08 21:19:28

我太太個哥哥一年前都在Hotel Icon擺酒,我見外母都覺得OK,咁揀呢度都唔會失禮吧!另外自己都有朋友喺嗰度擺過,覺得食物都唔錯,同埋場地燈可以轉色都好特別。最重要係嗰度無柱位同轉角位,啲賓客大家可以直接分享到我哋呢件咁開心嘅事,唔會要睇電視先見到我哋,呢點係我最著重的。

我哋張單主要係由Emmy負責跟。我覺得佢做事都好仔細同貼心。始終呢件事係我哋一生人先得一次嘅大事,我哋都會緊張,而Emmy通常對我哋嘅問題都回覆得好快(即使係weekend),所以真係令我哋安心唔少。臨尾我哋要揀啲凳、枱同燈要咩顏色嘅時候,佢都有俾到好具體嘅意見我哋,例如for影相點樣配搭會好睇啲之類,我哋都覺得佢好幫到手。

當晚我哋有證婚儀式之後先晚宴,佢哋砌枱凳都好快手快腳,處理得好順暢。切蛋糕時,有位負責搬花同蛋糕嘅姐姐都唔小心整跌咗個花樽,現場嘅其他員工都應變好快,即刻好快有人清理好。其實仲有2位員工佢哋好細心咁照顧過我,例如會倒杯熱水連埋飲管俾我飲吓,有嘢想問我但見到我好忙,都會好耐心咁喺一邊等,令我覺得貼心。整體嚟講,我覺得Hotel Icon性價比都值。婚宴package仲送咗個SPA,我太太好鐘意好enjoy。

整體滿意度 
5
服務態度 - 婚前接洽 
5
服務態度 - 婚宴當日 
5
場地環境 
5
食物質素 
4
服務承諾達到 
5
價格適中 
5
商戶名稱
唯港薈
婚宴日期 
2016/11/26
是次最終消費 
HK$ 14000
 / 圍
alanb 2017/11/16 13:38:14

最初我哋揀地點擺酒,比較過尖東兩、三間酒店,shortlist到Langham同埋Hotel Icon,最後都覺得係Hotel Icon最好。其實當時Langham個package係提供晒backdrop,candy bar,decoration等等,同我哋傾嗰時好多嘢都幫我哋諗咗,唔洗我哋煩。不過最後冇揀係因為我哋有去Langham飲過,覺得個image好似Hotel Icon啱我哋多啲,因為Langham係一個好傳統好secure嘅婚宴場哋,但係Hotel Icon環境比較新同感覺開揚啲新,成個design,色tone各樣嘢都modern 啲,而且因為Icon係教學酒店,我覺得都可以contribute返,所以最後就決定咗搵佢哋。

我覺得同佢哋傾嘅時候員工都好helpful,問佢哋嘢都好responsive好快答。負責跟我嘅同事叫Emmy Wong,佢都唔pushy唔chur,佢知道我哋考慮緊咩日子之後,都會提我哋婚展會有啲更加好嘅package,佢其實都已經俾咗standard package我,不過就提我哋可以去嗰度傾,價錢會更好。去到婚展傾,我同佢哋講有啲package嘅嘢我哋其實唔需要,例如花車咁,而佢哋好flexible,話唔要花車可以換返其他嘢俾我哋。

而睇場時間方面,佢哋都盡量配合我哋,我記得有一日係約咗去睇場,但係撞正打風,佢哋都whatsapp問我哋仲係咪go ahead,我哋就話睇情況。到下晝個風走咗,我哋話照去,Emmy都即刻搵同事返去陪我哋睇,而且佢哋俾咗好多意見我哋,亦同我哋share咗好多其他人experience。另外不得不提嘅係,佢哋team work 真係好好,正常你搵一個人,佢唔喺度,同事會話遲啲覆返你;但係佢哋會mark低我搵邊個之後,再問:「其實我有冇嘢幫到你?」有啲好簡單嘅問題好似泊車車位,佢啲同事都幫到我,我覺得佢哋team work做得好好!

Big day當日都過程好順暢,Emmy本身喺過程中都好幫得手。前一晚guest list上面都仲有改變,甚至當日朝早化緊妝嗰時都仲有變動,我都即刻whatsapp 通知Emmy,佢知道後就好快手咁幫我跟返個sitting plan。當晚,Manager Joe非常貼心咁照顧我哋呢對新人,而我其實好怕熱,又有另外一位同事整啲冰俾我。其實本身我自己比較casual,唔係好理rundown,其中一位同事kit負責幫我哋跟rundown,又會提點我係時候要準備換衫咁,係一個好貼身嘅服務,當晚完成no worry!!同埋佢哋真係好體貼,知道新人當晚冇咩機會食嘢,亦好細心每一道菜留少少俾我哋,我都好surprise!另外,我成晚不斷聽到屋企人同姊妹讚啲waiter做得好好,因為我諗係有個好好嘅manager帶住佢哋。通常去飲只會聽到啲人係咁話啲service點樣唔好,但係當晚係不斷聽到佢哋讚個catering manager好到不得了。佢哋唔單只係對我哋好,係對所有人都好好,照顧得好週到,包括睇吓姊妹有冇嘢食。

因為佢哋嘅服務太好,我哋都專登name返啲frontline嘅同事去讚返佢哋,因為佢哋真係做得好好,唔係交行貨,係真係好真心做俾你!化妝師都同我講,好多新人當日都係唔滿意結婚當日安排,但當晚我不斷讚,真係好難得!不過有少少美中不足係房間嘅浴室洗手間個去水位間唔中有啲異味,沖涼嗰時如果有水入去就冇事,但係第二朝乾咗之後會有啲異味,我哋都有feedback返俾佢哋聽。其實事後我哋都有send compliment letter俾佢哋GM,不過佢就冇覆我,如果佢會可以回覆返我哋就更加好!

整體滿意度 
5
服務態度 - 婚前接洽 
5
服務態度 - 婚宴當日 
5
場地環境 
5
食物質素 
5
服務承諾達到 
5
價格適中 
4.5
商戶名稱
唯港薈
婚宴日期 
2017/07/29
是次最終消費 
HK$ 13500
 / 圍
gigi.tsang326 2017/06/02 09:34:59

其實一開始搞結婚我都唔係睇咗好多場,我諗Total睇咗三、四間,包括 Sheraton,The Mira 同埋Hotel ICON,因為我擺嘅圍數比較多,所以都需要一個比較大嘅ball room,而呢幾間嘅價錢其實都around 4、50萬左右,但係hotel ICON個場的確係最好。我一直都係要求一個打橫嘅長方形嘅場,會比打直嘅好。因為其實打直,最後啲賓客會睇得好辛苦,我去過飲好多哋方,都覺得個場其實好緊要,因為賓客睇唔到你其實好辛苦。我真係覺得Hotel ICON個Ballroom實在太吸引,佢大得嚟一來又冇柱,二來even坐最後嘅人都睇得清楚,因為佢係一個打橫嘅場。同埋Hotel ICON個場又modern啲,佢個foyer又好大,變咗個reception就可以grand啲,overall就覺得其實Hotel ICON個venue係最好。

我係自己email搵佢哋,我去過嗰度飲幾餐,第一次去已經覺得好吸引,所以一求咗婚之後頭一兩間就已經問Hotel ICON有冇期,所以都冇join咩婚展。Email問咗日子o唔ok之後就睇場,然後講下package諸如此類,都冇咩特別銷售手法,講真都真係唔hard sell,我諗佢哋都唔洗sell已經好生意。佢都有俾啲特別嘅offer,例如upgrade咗啲酒水,但係呢啲都唔係hard sell之下俾,反而係我哋好想要個場,我哋就不斷問啲日子同夾時間。

Serve我哋個Sales manager 叫 Emmy,佢好好,喺成個rundown同編排俾咗好多意見。中間有啲小插曲,我其實改咗結婚日子,我四月擺酒,但其實本身plan個日子係十月,所以早咗半年。佢哋好好,因為我個人嗰時都好panic,因為冇可能撻訂,亦都因為屋企一啲原因要即刻改。佢哋好好,搵到個日子俾我,同埋嗰時得返三四個月我係乜都未搞,Annie好好,提我乜嘢要做先,酒店嘅嘢佢會follow up,叫我結婚之前個半月搵佢,佢就會settle到,俾我喺結婚前三個月自己忙哂租衫,試妝,佢令我擔心少一樣嘢,幫我follow哂成個晚宴周decoration。Annie其實係前期做event,但係佢跟得好好;因為我擺星期日,佢suppose星期六係休息,但係我個sitting plan係去到前一晚十二點幾一點我都仲改緊,然後send俾佢,佢suppoe係放緊假,佢都幫我forward個email俾operation同事,講緊星期日朝早佢都繼續follow up我哋啲嘢,雖然佢唔在場,但係佢都遙距咁follow,end up所有嘢都好smooth,operation啲同事都好好,完全冇嘢需要擔心。

講真,我當晚對operation team嘅服務印象唔大,始終新娘唔知出面發生咩事,但我都有刻意問返啲賓客覺得點,個個都大讚,因為啲嘢食好食,佢哋service都好好,所有嘢都好周到,even係我一啲好minor嘅request,例如進場嘅時候我要有人聲先可以開門,呢啲佢哋都照顧周到,完全冇甩漏。我真係好滿意。

整體滿意度 
5
服務態度 - 婚前接洽 
4.5
服務態度 - 婚宴當日 
5
場地環境 
5
食物質素 
4.5
服務承諾達到 
5
價格適中 
4.5
商戶名稱
唯港薈
婚宴日期 
2017/04/15
是次最終消費 
HK$ 14500
 / 圍

頁面