香港朗廷酒店 The Langham, Hong Kong

服務詳情

服務種類:
婚宴服務
整體評分:
4.35
4.4分
服務/套餐價格:
中式: HK$14750/圍 起
32

評語 提交評語

jenchow0602 2018/06/02 21:16:40

我係呢到擺左27圍啦,本身就已經confirm左想要喺tst擺,之後去完朗廷覺得個場好grand,佢地個場係好四正,但係就樓底比較矮,佢地雖然有柱,但都係corner位,所以無乜問題!

Staff 既態度都幾好,雖然中間轉左人,但佢地都好有經驗,我地帶decor公司上去做site visit,佢地又會分享之前D經驗比我地!食物就特別係個炒飯好好食,全場D食物都食得晒!

整體滿意度 
4
服務態度 - 婚前接洽 
4
服務態度 - 婚宴當日 
4.5
場地環境 
4.5
食物質素 
5
服務承諾達到 
4
價格適中 
4
商戶名稱
香港朗廷酒店
婚宴日期 
2017/12/29
是次最終消費 
HK$ 15000
 / 圍
Vincentnsy 2017/12/19 12:49:05

尖沙咀朗延酒店可以俾到成個場地我哋,雖然個範圍係細少少,但喺成層係屬於我哋嘅,令我哋個感覺好好,亦都係揀嘅主要原因。

同我哋傾細節嘅staff叫Winnie服務好好,不過後來佢通知我哋佢會離職,之後就Pass咗俾Sandy Lam負責。Winnie佢交帶得好好,交接完全無問題。

我哋當晚婚宴各樣流程都順利,唯獨係有賓客覺得啲食物唔夠熱,好似室溫咁。不過味道就個個都話好,我諗係因為唐閣佢哋囉咗攞米芝蓮掛?

其實自己都叫有經驗,都想提提各位新人揀場之前要自己諗係想去會所、酒店定酒樓先,因為三個地方提供嘅嘢都好唔同!例如︰酒店就可以俾到地方你出門同當晚住宿一齊配合到;會所就可以提供賓客專車接送同地方會大啲;酒樓就係比較平。而到要落訂時就去婚展,因為好多場地都喺婚展先有優惠。不過就真係【唔好!唔好!唔好!】諗住去到婚展度先慢慢揀,選擇太多即時就做決定真係可能會揀錯,一定要做定research,諗清諗楚,唔好即刻做決定呀!

整體滿意度 
4
服務態度 - 婚前接洽 
5
服務態度 - 婚宴當日 
5
場地環境 
5
食物質素 
4
服務承諾達到 
4
價格適中 
5
商戶名稱
香港朗廷酒店
婚宴日期 
2016/10/16
是次最終消費 
HK$ 18000
 / 圍
queeniecmk 2016/12/13 22:52:52

為咗就住個location搵場地,我哋嗰時主要係諗朗廷或美麗華Mira。我哋去咗朗廷酒店open day,佢哋無逼我哋即刻落訂,於是我哋就再去睇咗幾間。最後我哋覺得朗廷個場地四四方方無柱位,感覺適合同埋價錢合理,就喺酒店promotion 完之前返去confirm。

幫我哋個manager -Angel好好,佢好nice同好專業。佢俾嘅advice好好,聽完我哋嘅request又會好樂意幫我哋跟進,籌備期間樣樣嘢佢都跟得好足,而且一直同我哋keep contact,唔會無咗影。不過剛剛我哋結婚嗰時佢就同我哋講佢會轉行,真係有點可惜。

場地方面整體都OK,backdrop就我哋自己搵人做。影音方面無乜甩漏,只係上菜嗰度慢少少,感覺好似拖長咗時間,不過客人都話啲嘢食幾好。新娘房各樣嘢都好乾淨整齊,唯一係佢送嗰2晚酒店房用嚟做婚禮嘅嘢就有啲細。嗰2間房大約五百幾尺左右,一房一廁所一廳,如果有八百幾九百尺就會易處理好多,不過我哋諗住酒店package包得都係差不多大間房,所以都無同manager傾過會唔會有其他選擇之類。至於Parking方面我覺得佢哋處理得好好,有代客泊車,又包20架賓客車位。我結婚嗰2日出出入入酒店好多次,嗰個代客泊車小弟都好落力幫我,又無話俾面色我睇,感覺好好。

成個婚宴服務最令我印象深刻嘅,係臨尾我哋兄弟姊妹、攝影師Johnathan同一啲朋友個個都好開心唔願走。大家見反正訂咗好多紅酒,就喺一入酒店reception 右手邊啲梳化area度飲酒傾計。我本來都係諗住飲多半個鐘左右,但最後飲飲吓竟然玩到1點幾2點!當時嘅Captain不單無趕我哋,仲願意serve我哋,幫我哋開埋酒仲預備酒杯。佢又同我哋講唔緊要,慢慢飲,嗰晚好似after party咁,真係好開心!真係估唔到咁好,我仲封咗一大封利是俾serve我哋嘅Captain Esther。

整體滿意度 
4.5
服務態度 - 婚前接洽 
4
服務態度 - 婚宴當日 
5
場地環境 
4
食物質素 
4.5
服務承諾達到 
5
價格適中 
5
商戶名稱
香港朗廷酒店
婚宴日期 
2016/06/12
是次最終消費 
HK$ 13000
 / 圍
sanmabel 2015/09/29 15:58:33

本身同老公諗住搵九龍區嘅酒店,搵咗好多間,始終價錢適中之餘又有一定質素嘅選擇其實唔多,而且好多酒店提供嘅場地又唔夠大(我地擺三十圍),搵朗廷之前都有諗過將軍澳Crowne Plaza,不過就太遠,Sheraton個場又唔夠大擺三十圍,所以都諗咗好耐。本身㨂定咗日航仲落咗$3,000訂,之後聽人講長輩唔太喜歡扇形嘅場地,所以惟有再搵其他酒店。不過好好彩嘅係因為退訂嗰陣正值係日航轉名做“千禧新世界酒店”嘅時候,佢哋有個政策係俾客人考慮轉名之後仲會唔會保留訂單,所以我就幸運地可以退到錢!其實以九龍區嚟講,朗廷既性價比都算幾高,始終尖沙咀嘅酒店閒閒哋都要萬幾蚊一圍,而且佢哋個地段唔係差,北京道都算好方便,於是就confirm咗。

因為我之前唔喺香港做嘢,睇場方面就交俾我老公。佢影咗朗廷嘅相俾我睇,我覺得都幾靚,四四方方夠大,唯一擔心嘅係個場有四條柱,驚會阻住其他人嘅視線。後尾我返到香港自己都有親身落場睇,就發現個場真係幾唔錯,四條柱都只係遮少少,又有位擺cocktail同其他嘢,如果樓底可以高少少就perfect。

跟我哋嗰位Sales 同事叫Margret, 佢真係好好,除咗由頭跟到尾之外,好多我唔要嘅嘢佢都會搵返alternative俾我,例如我唔需要reception嘅佈置同酒席嘅台花等等,佢哋就補咗個candy corner俾我。另外,當晚嗰位captain服務亦好好,因為我有張好大嘅掛畫,開頭唔清楚個場地夠唔夠位掛同埋有無架可以掛出嚟,但佢就幫我搵到個有個勾既架,同埋好好咁掛咗係ball room門口嘅正中間,個個都見到,解決咗我呢都一度好煩惱既問題,呢點要多謝佢!而且,負責跟住新娘嘅女仔真係做得好足,上台會幫我拉裙,又係我換衫換妝嘅時候拎嘢食俾我,就連我伴娘都讚佢做得好足!不過,如果朗廷方面可以再早少少俾場我就會好啲,雖然嗰日咁啱冇event,可以早少少大概四點幾交場俾我,但我回想都覺得時間有啲緊,始終自己有好多嘢要佈置。

嘢食方面,我聽賓客講入席前嘅cocktail serve得好好,侍應不時會問駛唔駛添飲。朋友嘅feedback話嘢食幾好。晚宴完咗雖然Room Service都有pack 返啲嘢食俾我哋,但因為佢冇幫我整熱,啲嘢食凍咗食落去感覺就唔太好。不過要讚既係,佢哋美點雙輝嘅老婆餅真係好好味!本身傾酒席嗰陣已經同我講好多人都激讚呢個老婆餅,仲話想買都買唔到,因為只可以喺擺酒先食到呢個人人盛讚嘅老婆餅,試完個感覺果然係名不虛傳!

整體滿意度 
5
服務態度 - 婚前接洽 
4.5
服務態度 - 婚宴當日 
5
場地環境 
4.5
食物質素 
4.5
服務承諾達到 
5
價格適中 
5
商戶名稱
香港朗廷酒店
婚宴日期 
2015/03/09
是次最終消費 
HK$ 13000
 / 圍