The Mira Hong Kong

服務詳情

服務種類:
婚宴服務
整體評分:
4.4
4.4分
服務/套餐價格:
中式: HK$13000 - 14999/圍 起
西式: HK$1000 以上/位 起
50

照片集

影片集

套餐價格及詳情

套餐名稱: 
奢華絢婚宴套餐
套餐價格 
HK$13,000/起

套餐價格及詳情

套餐名稱: 
唯美午宴婚禮
套餐價格 
HK$13/起

評語 提交評語

Fourlum 2018/09/01 00:08:19

因為我要比較多圍數,The Mira最吸引我既就係場地夠大同埋個L 形既場地。我鐘意佢嘅L形場地可以幫我分開吓啲賓客,一邊係外父啲朋友,一邊係我太太嘅朋友,同埋我個婚禮入面有D 藝人出席,L形既場地可以幫手分開佢地,感覺較好。仲有公司都係Mira搞過annual dinner,食過D 野覺得幾好食,所以就揀返Mira。我自己就冇處理過婚前接洽,因為我一黎就搵同事幫我搵左個marketing 既同事用電話直接查詢。so far 都幾好傾,佢地答問題或者回應我既問題時態度都唔錯。

當日佢地有個同事跟住我老婆,個位同事好貼心。有位樓面經理,好似叫呀jack,佢所有野都幫到手同埋跟進得好好,聽返班兄弟講佢都好配合到。當晚我就只係食到好少嘢,聽返黎既feedback啲嘢食都唔差,不過其中一道菜既味道同試菜有小小唔一樣,但都係ok 好食既。另外喺婚禮之前佢地brief 完我,我有提出我既rundown,例如係一開始要播左十分鐘既片先進場,到婚禮當日D staff 都有好好配合。燈光、音樂各方面都做得好好,好配合到。而我雖然掛住招呼朋友同照顧老婆,但都覺得D staff 好配合同接受到我安排既rundown。基本上,所有野都幾好,亦都冇收到親戚朋友既投訴或者不滿,佢地覺得我既婚禮搞得幾好。

整體滿意度 
4.5
服務態度 - 婚前接洽 
4.5
服務態度 - 婚宴當日 
4.5
場地環境 
4.5
食物質素 
4
服務承諾達到 
4.5
價格適中 
4
商戶名稱
The Mira Hong Kong
婚宴日期 
2018/02/10
是次最終消費 
HK$ 16000
 / 圍
iriswaii 2018/08/20 18:54:01

我地一開頭係wedding expo度見到The Mira,就去咗搵佢哋傾吓,嗰個staff都好詳細咁向我哋講解佢地嘅offer(佢之後就喺我哋喺Mira嘅wedding planner!)。我地都覺得佢地fit到我地想要嘅野,例如係我地都想要長形場地、凳與凳之間有空間感、樓底唔好咁矮、新娘房要夠大同埋方便、同埋啲center piece&燈光唔會fix死左一定要某一種咁。我地覺得佢地嘅場地可塑性好高,應該可以滿足到我哋嘅要求,不過我哋都唔係即刻決定,都比較過好多間。最後去埋睇場先決定揀The Mira,最主要係佢地個designer theme好吸引到我地!接洽過程,佢地都好主動同清晰,take到我地重點,亦都會答到我地問題,唔會sell啲唔關事嘅野。我覺得佢地listening好好,會intake到客人需要。

到big day個日,由我地係reception check in 開始,佢地就已經好efficient,房嘅arrangment 又會好配合到,所有野都好ready俾我地,同埋我地想要一個first look section,佢地又會free到一個露天area俾我地。到banquet時間,佢地manager同MC亦都夾得好好。佢地之前亦有同我哋提過當日係The Mira有3對couples結婚,但我覺得佢地都處理得好好,唔會話有人手唔夠嘅問題。當晚可能都有D係part-time staff,但佢地之間都明顯係有communication,所有問題都會搵到人幫手。而且一開頭佢地都講哂catering同其他各方面係邊D人負責,中間有咩問題都可以搵到佢哋黎問嘢。廚師都好好,佢真係有些take 到我地試菜時俾嘅comments,水準好好。雖然中間係新娘房嘅衣櫃度發現到有上手留低嘅衫,但我整體感覺佢地都真係有聽到我地之前提過嘅野,亦都有盡力去配合,成個感覺係好attentive!

整體滿意度 
5
服務態度 - 婚前接洽 
5
服務態度 - 婚宴當日 
4
場地環境 
5
食物質素 
5
服務承諾達到 
4
價格適中 
4
商戶名稱
The Mira Hong Kong
婚宴日期 
2018/03/03
是次最終消費 
HK$ 20000
 / 圍
wcpgeorge 2018/08/08 12:08:17

我哋大約結婚嘅大半年前開始搵場地,嗰時1月28日個期都幾緊張,唔係好多地方俾到ballroom我哋。我哋approach Mira之前有朋友有經驗用過Mira,都有好評,所以我哋去嘅時候其實都幾正面。上到去睇場同傾嘅時候覺得佢哋嘅態度都好sincere。雖然最初去睇時只係俾到3樓嘅function room,但後來check到有ballroom佢都有盡量留俾我哋。我哋大約係5-6月左右去睇場,7月頭到婚展時先正式落訂,因為婚展會有啲特別優惠,而且最最最主要都係俾到ballroom我哋。

我覺得Mira佢哋嘅服務跟得幾足,尤其sales嗰邊嘅service都幾貼身。我哋同佢傾啲當日細節嘅時候都提出咗唔少要求,佢哋都盡量滿足我。我感覺到佢係為咗我個婚宴去諗同盡力幫我去做。後期我印帖出現咗問題,佢都好快俾到啲帖我再攞出去印。然後到結婚前一日,發現可能之前同花車師傅溝通上有啲誤會,例如係車頭有無花球之類,sales嗰都好快同好主動同花車師傅聯絡傾返好,令我印象深刻。另一方面,我本身唔係好多idea嘅人,catering manager佢就俾咗好多建議我,最後覺得出到黎效果都幾好!

唯一美中一足係喺Mira嗰邊安排唔到睇房,因為我成日唔喺香港,夾唔到時間。我記憶中
之前住過Mira啲房覺得一般,因為感覺比較fushion會覺得間房較黑,加上無機會睇房,結果就喺香格里拉嗰邊嘅海景套房出門。我諗如果sales睇場嗰日可以同房嗰邊合作得好啲,有得睇埋房就更好。另外,我有啲朋友喺外國黎參加我哋婚禮,我喺Mira幫佢哋訂咗房,同埋預咗啲小禮物俾佢哋。結果漏咗,我唯有自己去攞返再送俾佢哋。所以我覺得sales,catering兩邊都唔錯,跟得幾足,但房嗰類就有改善嘅空間。

當日我哋係擺午宴,所以我初頭都擔心setting嗰邊好早要開始唔知搞唔搞到。結果我哋想8點幾左要場,sales嗰邊都幫我哋盡量爭取到,而且佢哋又直接同decoration嗰邊傾,處理好晒唔使我擔心。食物方面當日我無咩機會食,雖然有攞走啲嘢食,但係始終同即場食味道唔同。不過我同啲賓客傾過,佢哋對啲食物都滿意。最後我哋唔係搞到好晏,未到3點啲人都散了。完全唔會有人催我哋快啲交場,時間都配合到。

整體滿意度 
5
服務態度 - 婚前接洽 
5
服務態度 - 婚宴當日 
5
場地環境 
4.5
食物質素 
4.5
服務承諾達到 
5
價格適中 
4.5
商戶名稱
The Mira Hong Kong
婚宴日期 
2018/01/28
是次最終消費 
HK$ 11000
 / 圍
ttlam16 2018/07/23 10:13:11

由我先生求婚起到我哋擺酒都只係半年嘅時間左右,因為唔想拖咁耐,所以擇咗日子就好快揀咗幾間覺得啱嘅場地去問吓佢哋有無期。地點方面我哋好早就鎖定咗尖沙咀,因為雖然唔少親戚住新界九龍,但亦有好多朋友住港島,所以覺得尖沙咀不論搭車或者揸車都好方便。嗰時我哋都想快啲處理又鎖定好地點,就無特別去行婚展,都係自己打電話去約睇場。主要睇咗Sheraton、InterContinental 同Mira,睇完呢三間之後都唔想再去睇其他。最後係Mira有期,同埋去睇過場個感覺都適合。我覺得Mira最吸引嘅地方就係Ballroom樓底高,入到去感覺舒服,唔會有壓逼感。雖然夜晚佢哋會落晒窗簾,但係始終我都知佢有窗,感覺唔會咁焗促。

去到Mira,係由Carmen帶我睇Ballroom,佢好清楚同我地介紹晚宴個PLAN,我無去婚展佢都有俾婚宴個special plan我,有包車仲有酒。睇完其他場地後我再返去落單,就一直係由Carmen跟我哋。我覺得佢答覆都好快,而且做事好有效率。嗰時我哋本身只係book咗18樓嘅Ballroom 1-3,點知後尾我啲屋企人請人有啲out of control,就再聯絡Carmen問佢可唔可以book埋Ballroom 4 (Mira全層有4個Ballroom)。真係好彩嗰時Ballroom4仲未有人用,可以book埋,結果擺咗38圍。過程中間我仲不停問佢要幾錢,又要轉Decoration,佢都好快答我,溝通上都好舒服!佢又提議我可以用幾間Mira用開,幫佢哋個場做開Decoration嘅公司。我覺得呢啲公司都會熟個場,所以都搵咗其中一間,turn out效果都好好!佢除咗有效率,做事都好細心,嗰時我哋加咗地方都未特別諗食物,反而佢好細心咁問我哋如果食物唔夠都可以幫我upgrade,真係好幫得手。咁啱佢自己都就快結婚(佢10月結婚,我1月結婚),大家可以一齊傾吓預備婚禮嘅嘢。有時我訂咗啲嘢,佢又同我傾吓,之後主動聯絡其他啲公司幫我compare吓啲價錢,我覺得呢啲佢係額外做俾我!

由於我哋book晒4個Ballroom包晒全層,所以新娘房都有3間,當日都有好多位置放嘢,好多空間。婚禮前個場無人,佢哋都容許我哋早啲做set up,都好smooth。到證婚嘅時候,我哋原本無預好多人黎,但點知最後係滿晒人!因為我哋預少咗,結果準備咗嘅餐前小食都係完全食晒,不過啲人都話好食!

晚宴嘅時候因為我哋有好多圍,唔想啲人太肚餓,所以預定8:20就開席。我覺得佢地上菜效率好快,就算係38圍人,到11:00 啲人已經食完走晒!我覺得主理婚宴當日嗰個manager Ken佢Manage得好好,跟得好足,38圍佢地都處理得好快手,人手好充足。晚宴食物我無食好多,但問返啲人都覺得OK,夠熱。

晚宴嗰度其實有個小插曲,就係關於table decoration。Mira其實有好多scene deco,我見到
佢哋啱啱出咗一套粉紅色head table枱布閃令令好靚,不過男家嗰邊就特別傳統,一定要用紅色枱布,所以開頭我哋都order做咗紅色。不過當日竟然出咗個minor mistake,幫我哋舖咗粉紅色嗰種枱布。但係我見男家嗰邊又好似無咩,所以我都無提佢哋要換返,因為我自己本身都想要嗰套多啲!

除咗Carmen同Ken,Big Day嗰日佢哋啲staff真係好照顧我。有個跟住我幫我拎住裙尾嘅員工,我行得勁快佢就跟得勁快,一見我影相仲即刻彈落地下!斟茶嘅時候都唔使提佢哋,已經係隔離好Ready準備好晒啲嘢。去到婚宴最尾,有個男仔staff見到啲客人走晒,就即刻攞酒店拖鞋俾我換,令我覺得舒服好多。佢哋又有預備啲食物都送晒上房等我同先生上到去可以食,包括結婚蛋糕、香檳、小吃同埋成個婚宴嘅Full course。當時仲有2個同事送我返房,幫我攞住條裙尾,真係好好嘅照顧!

如果之後有朋友擺酒,我都會推介MIRA俾佢哋。我自問平時都挑剔,但今次同Mira真係合作得好舒服,佢哋態度都好好,真心值得推介!

整體滿意度 
4.5
服務態度 - 婚前接洽 
5
服務態度 - 婚宴當日 
5
場地環境 
4.5
食物質素 
4.5
服務承諾達到 
5
價格適中 
5
商戶名稱
The Mira Hong Kong
婚宴日期 
2018/01/07
是次最終消費 
HK$ 16000
 / 圍
matthewtklee 2018/07/05 16:39:19

一開始我要諗去邊度擺酒時都喺去婚展行下,嗰時見到Mira個booth個package幾好,就同太太(當時係未婚妻啦)過去睇睇。我哋覺得佢哋啲staff都解釋得非常詳盡,就諗住不如揀Mira,所以之後就再去酒店同佢哋傾details同落訂。

我哋覺得嗰度地方夠大,裝修又同其他酒店唔同,除咗我哋一對新人之後,啲賓客影相應該都配合到。到婚宴嗰日果然見到好多朋友喺場地度自拍都玩得好開心。雖然ballroom裡面比較暗(台係夠光),但都有好多地方可以俾啲guest自己去拍照留念,而且我覺得啲相影出黎都幾靚。

除此之外,我覺得佢哋俾我嘅感覺好專業,特別係跟我哋嘅staff Eva??😮(希望無記錯名)俾咗好多意見,教晒我哋可以點樣籌備婚禮。除咗Rundown上嘅好多細節都提點我哋點安排會好啲,仲有好多supportive嘢俾到我哋。好多時好快就睇吓有咩可以幫我哋預備先,好多嘢都幫我哋諗晒咁濟。出門嗰朝早玩新郎間房要啲咩,佢都幫我哋預備得非常之好,因為佢一早就同我哋講有需要嘅道具都可以問下佢哋有無先,等我哋唔使買。就連婚宴嘅第二朝,外父外母啲早餐點安排佢都問定我哋。總之好多嘢我哋都未諗到要做,佢已經提咗我哋要去諗吓,決定好之後佢就幫我哋安排好晒!

至於當晚我最有印象嘅,就係佢哋幫我預備咗現場直播六合彩攪珠!!! 😎🎉事源係我同太太都諗住唔好搞咁多表演,都諗住中間啲時間就咁算。後來我發現結婚嗰晚剛好係有六合彩,就諗住送張六合彩俾賓客做回禮。當晚派票俾佢哋,等佢哋劃完就即刻幫佢哋買。Eva佢聽完我呢個idea之後,覺得影住MC就咁讀啲數出黎會悶悶地同無咩意思,就提議我哋試下用個screen播電視,做現場LIVE feed!估唔到佢哋真係幫我安排到,嗰晚啲賓客一齊睇六合彩攪珠等叫數字,現場氣氣都好好。最後當晚有人中咗,唔只一個,有幾個人中,雖然都係中左$40左右啫,但嗰個環節大家都好開心,我好appreciate佢哋幫我哋度咗呢條橋!

其實結婚當日我同太太都唔得閒理,係靠我啲兄弟同Mira嗰邊合作。但係當日都好smooth,至少我都唔覺有咩特發事發生,對新人黎講真係好大幫助!我覺得大家成個wedding都好緊密連繫,真係真心多謝佢哋!

整體滿意度 
5
服務態度 - 婚前接洽 
5
服務態度 - 婚宴當日 
5
場地環境 
4.5
食物質素 
5
服務承諾達到 
4.5
價格適中 
4.5
商戶名稱
The Mira Hong Kong
婚宴日期 
2017/12/23
是次最終消費 
HK$ 13500
 / 圍

頁面