會所1号 郵輪堤岸 ClubONE Harbourfront

服務詳情

服務種類:
婚宴服務
整體評分:
4.5
4.5分
服務/套餐價格:
中式: HK$7875/圍 起
34

評語 提交評語

lawphoebe 2017/05/31 21:08:39

最初想揀喺九龍東嗰邊,因為老公住嗰邊,所以我哋先去睇咗九龍東嗰間Club One同埋九龍灣嗰間Club One,但係覺得兩個場地都唔係咁靚。之後老公話不如順便睇埋郵輪嗰間,點知一睇就覺得好靚,個Reception好大,個場地又好grand。雖然地方係偏遠咗少少,但compare之前睇嗰兩間,我覺得係值得嘅。而且佢有shuttle bus,我覺得方便,都係喺九龍灣搭少少車就嚟到。

佢哋啲staff好helpful,嘢食啲賓客comment返嚟都係好positive嘅,冇話難食或者凍。成個流程都好smooth,我要求嘅嘢都做到。佢地比較特別,係用投射螢幕,所以影相用嘅名牌要掛上去,咁我要求幾時要掛到上去佢地都做到。佢地音效都好好。

提提大家,佢地公司有個優惠通勝,有啲日子係八折,有啲係免加一。可能因為我book得好早,所以當時未有,擺酒當日又係補假,最後我地擺嗰日要再加一。如果佢一早出左schedule話俾我知要加一,我會心甘命抵啲。

整體滿意度 
4
服務態度 - 婚前接洽 
4
服務態度 - 婚宴當日 
4
場地環境 
5
食物質素 
4
服務承諾達到 
4
價格適中 
3.5
商戶名稱
會所1号 郵輪堤岸
婚宴日期 
2016/12/27
是次最終消費 
HK$ 8500
 / 圍
general user image KCC 2016/07/04 12:49:52

因為我自己唔係好鐘意金碧輝煌或者有旋轉舞台嗰啲地方,所以就上網睇下有無啲感覺清新同綠油油嘅地方擺酒。另外,我又覺得酒樓可能會令人覺得唔夠高檔次,但酒店預算又太高,所以都係傾向搵會所嗰類場地。我自己上網睇到ClubONE郵輪堤岸都覺得幾鐘意,而且價錢比較公道,加上我家姐之前喺ClubONE德藝會度擺酒,我覺得ClubONE啲嘢食同埋啲人都跟進得OK,所以就無乜再睇其他,就決定上網聯絡ClubONE郵輪堤岸嗰邊。

嗰時我online問佢哋嘢,就有一位sales聯絡我。我俾個日子佢問吓佢嗰日有無期,佢好快就覆返我話有期,但好似有另一個人都想揀嗰日。雖然我家姐話可能佢都係講吓架啫,但係我又怕之後真係無期。我見自己都好鐘意嗰度又無乜其他target,就好快決定咗。大約喺問完之後2個星期左右我就落訂,之後再去郵輪碼頭嗰邊confirm同埋睇場。俾尾訂嗰時,佢哋嘅職員Ronald就嚟同我哋講,佢就係到時嗰日會全程follow up我哋嘅人。之後我就同佢一直透過Whatsapp傾嘢,都好OK,雖然我成日問嘢佢都唔會話覺得我好煩。幫我負責做decoration都有直接Whatsapp問過佢嘢,例如係問下佢張枱幾大,佢就真係攞把尺去度晒成張枱嘅尺吋俾我哋,我哋都覺得佢好細心。結婚之前早幾日我攞啲片上去試片佢都跟得好足。到後來我結婚之前嗰日佢會放假,佢都交低晒啲嘢俾同事同一早攞晒啲物資過去場地嗰邊先,好有交帶。所以我都同我啲姊妹講,到嗰日有咩就搵佢啦,佢真係好幫到手。

到結婚嗰日,我有啲朋友遲咗嚟,然後有啲座位亂咗。我先生見我好忙,又因為佢係馬來西亞人嚟,都唔知點處理好。於是佢就直接去同Ronald講「Ronald,我呢度有2個朋友,但我真係唔知點算,你幫我搞掂佢啦!」。然後Ronald佢就去搵到2個位,安排嗰2個朋友坐低。佢真係好勁,連呢樣嘢都幫我搞掂埋!有時其實呢啲嘢要自己安排啲親戚朋友分分鐘仲難搞,多得佢呢個場地負責人幫手。其實嗰晚我好忙都無食到嘢,唯一係進場後,食咗兩碗係佢哋攞俾我哋試吓夠唔夠味,似湯底嘅嘢。但佢哋就打包啲俾我哋攞走食,我返到去食都覺得OK。至於賓客們feedback都覺得啲食物質素OK。場地方面,ClubONE個screen真係好大,好似電影院入面嗰啲隔離2邊有簾,中間就係好大塊布幕嗰種,嗰度樓底都好高。我睇場嗰時其實都無考慮過,所以到播片嗰時到見到畫面好清,啲音響同聲又正又夠清楚,都好開心!最後當晚我哋先俾埋尾數,都係等佢哋攞張單嚟話我知尾數係幾多,佢哋完全唔會俾壓力要我哋俾tips,不過我就自己俾咗啲tips。整體嚟講對場地各方面都好滿意,特別感謝Ronald嘅幫手。

整體滿意度 
5
服務態度 - 婚前接洽 
3.5
服務態度 - 婚宴當日 
5
場地環境 
4.5
食物質素 
4
服務承諾達到 
5
價格適中 
4.5
商戶名稱
會所1号 郵輪堤岸
婚宴日期 
2016/04/08
是次最終消費 
HK$ 6500
 / 圍
J&A 2016/05/25 10:06:22

我哋揀喺Club One擺酒係因為有朋友介紹。未去之前上網睇都見到幾靚,好似個backdrop幾靚﹑冇咁悶,感覺新鮮啲,另外場地亦都幾空曠,樓底又高。因為鍾意場地佈置同埋價錢合理,所以決定係度擺。當日銷售嘅時候話會有wedding planner提供,另外有位負責場地嘅同事叫Apple。後來我哋同wedding planner見咗兩次,傾吓當日係點同埋有咩事前要準備,佢都好幫得手。不過以我所知唔係個個都有wedding planner提供,如果可以提供會更加好,因為可以幫手打點一切。

當日係有循環旅遊巴提供,喺五點到八點半會有一架車接載啲賓客到場地,走嘅時候就有三架車接啲賓客去九龍灣地鐵站,交通安排都唔錯。

食物質素方面我自己覺得okay,另外親戚朋友都話比預期中好,味道係okay,但係份量就唔會好多。
另外AV equipment方面啲咪音量就比較細,可能去到後面一兩排就唔係幾聽到

整體滿意度 
5
服務態度 - 婚前接洽 
4
服務態度 - 婚宴當日 
4
場地環境 
4
食物質素 
4
服務承諾達到 
5
價格適中 
5
商戶名稱
會所1号 郵輪堤岸
婚宴日期 
2015/05/10
是次最終消費 
HK$ 8000
 / 圍
1210bride 2015/07/20 19:08:13

係婚展就被佢場地個裝修外貌吸引,Club One郵輪堤岸係商業寫字樓地下,只係普通會所式嘅場所,但就冇酒店咁貴,去到個場個環境同啲相係一模一樣。

有一樣值得一提嘅,係婚宴當日我地攝影師早拍晚播果到甩漏左一個鐘,Club One好積極咁諗辦法幫我地解決,佢地嘅staff仲直接同攝影果邊溝通,唔會齋坐係到唔幫手。

之前聯絡開嘅職員(唔知Betty定Becky)一直都係到睇住個場,落場嘅staff亦好幫得手。佢地音響器材控制嘅職員亦十分好,因為我地煩左佢地好多次,又話啲片播得唔清楚果啲,但佢就俾左好多建議我地,又教我地點樣同攝影師溝通。

整體滿意度 
4
服務態度 - 婚前接洽 
4
服務態度 - 婚宴當日 
4.5
場地環境 
4.5
食物質素 
5
服務承諾達到 
5
價格適中 
4
商戶名稱
會所1号 郵輪堤岸
婚宴日期 
2014/05/10
是次最終消費 
HK$ 8500
 / 圍