會所1號 科學園 ClubONE on the PARK

服務詳情

服務種類:
婚宴服務
整體評分:
4.6
4.6分
服務/套餐價格:
中式: HK$7820/圍 起
0

評語 提交評語

TeddyHo 2018/09/15 20:24:23

我之前去過尼到飲,都幾中意佢地個場地,覺得整個design好好,樓底夠高,地方夠大。加上我地要擺成38圍,都算多,其實香港唔係好多地方可以揀,所以就決定揀尼間Club One。

佢地嘅staff係事前同我地傾都係有問必答,事前亦都會出哂reminders俾我地跟住去準備,例如係分枱、金器、guest list、各樣物資表都會有哂template俾我地跟,都好方便。另外我地都好怕啲好勁嘅lighting或者音響,所以都好欣賞佢地幫我地試個陣係可以整set所有野都試哂,可以好清楚到當日實際用嘅時候會發生咩事。

因為我地揀嘅呢間Club One係喺科學園,佢地當日包咗一架shuttle兩個鐘內不斷咁接送賓客,都算方便,而且當日都好順利。佢地亦有安排專人全程跟足新娘,又會提醒佢唔同野,同埋新娘房都好大,我太太都覺得滿意。啲食物聽返黎大家都好滿意,佢地特別讚個乳豬好味。

整體滿意度 
5
服務態度 - 婚前接洽 
5
服務態度 - 婚宴當日 
5
場地環境 
5
食物質素 
5
服務承諾達到 
5
價格適中 
5
商戶名稱
會所1號 科學園
婚宴日期 
2018/07/28
是次最終消費 
HK$ 8000
 / 圍
Michelle 2017/10/15 00:19:12

我先生好鍾意科學園Club One,因為佢場地夠大同環境夠靚,四四方方又闊絡,而且每個位都望到個台,我哋擺咗31圍都好鬆動。另外,佢出面有成戶外景,出面outdoor有個註冊位好靚。

Big Day當日服務好好,跟我嘅同事都好細心。佢哋個場係草園feel,個backdrop都好靚!

食物好好食,個個都讚。不過,因為我哋搞到夜晚11點幾,但係佢哋旅遊巴到11點就要走,如果佢哋安排車可以夜少少就更加好。因為婚宴始終大家開心,有人會想夜啲走。不過佢地其實都好好,已經安排咗,延遲到11:15先走第二班車。

整體滿意度 
5
服務態度 - 婚前接洽 
5
服務態度 - 婚宴當日 
5
場地環境 
5
食物質素 
5
服務承諾達到 
5
價格適中 
4.5
商戶名稱
會所1號 科學園
婚宴日期 
2016/12/24
是次最終消費 
HK$ 7600
 / 圍
magyee 2017/09/25 09:04:50

因為我自己住馬鞍山,想搵個地點係方便返屋企人,而且我哋擺嘅圍數都多,所以就揀咗場地比較大嘅科學園嘅Club One。佢嗰度都可以擺到50圍,我哋最後就擺咗41圍,場都好夠寬闊,41圍都唔會覺得逼。去睇落場同落訂嘅過程都有向我哋介紹返有咩套餐同幫我哋upgrade咗啲嘢,例如係食物方面幫我哋upgrade啲鮑片。

我覺得嗰度各樣service都算OK,唯一係覺得好多嘢要自己做,如果可以有個保姆角色跟新娘跟得貼身啲會較好。

整體滿意度 
4
服務態度 - 婚前接洽 
5
服務態度 - 婚宴當日 
4
場地環境 
5
食物質素 
5
服務承諾達到 
4
價格適中 
5
商戶名稱
會所1號 科學園
婚宴日期 
2017/04/16
是次最終消費 
HK$ 8000
 / 圍
01070717 2017/08/05 10:14:59

因為我鍾意草地,Club One 科學園本身個場個backdrop已經係一個草場,唔洗搵錢去整。其實本身我係諗住要證婚服務,咁變咗證婚場地都ok。同埋佢個場地夠闊落,雖然有幾支柱係爭啲,因為唔係好襯;其實我都知道場地好盡力去遮嗰幾條柱,但係冇辦法,個結構係咁樣,都冇得拆咗條柱,但係整體係ok嘅。

而佢哋服務都唔錯,因為我嗰度個婚宴佢都包咗個婚禮統籌俾我嘅,但係人事變動呢啲冇得避免,佢中間轉咗一次人。我初初都擔心轉咗新人之後個交接會冇咁好,但係都pick up得好快同埋追返哂之前啲嘢,可能每個婚禮都差唔多,但個outome我都滿意。

我冇食過嘢所以唔知食物質素係點,但賓客反應都ok。同埋佢有個新娘保母嘅妹妹跟住我,都會提我要做啲咩,拎漏咗花球又會幫我,都幾好。作為過來人,我覺得揀場地,自己鍾意真係好緊要,無謂揀個自己唔鍾意嘅。總有啲人係長輩覺得想中式就揀中式,但呢啲其實都係自己嘢,要揀自己鍾意嘅。

整體滿意度 
4.5
服務態度 - 婚前接洽 
4
服務態度 - 婚宴當日 
4
場地環境 
4
食物質素 
4
服務承諾達到 
5
價格適中 
5
商戶名稱
會所1號 科學園
婚宴日期 
2016/12/30
是次最終消費 
HK$ 7000
 / 圍
HenryL 2017/07/09 16:25:06

我哋揀科學園Club One係因為鍾意佢個場夠開揚,因為香港哋除咗價錢要相宜,又要開揚,我估都係得返Club One嘅郵輪碼頭同埋科學園揀。最後揀咗科學園,因為近我老婆嘅親戚,佢哋住上水。

我哋差唔多結婚一年前去搵佢哋,因為驚佢哋冇位又miss咗婚展,所以係直情去現場搵佢哋啲staff傾。因為我本身係用hotline搵佢哋間嘢啲sales staff,佢哋都好好咁將我refer咗俾會場負責嘅經理,啲經理都好熱心,我未做佢哋個客,一蚊都未俾,但係問佢九萬幾樣嘢佢都答我九萬幾次。其實我哋都幾麻煩,又冇睇過婚展冇睇過啲相,咩都唔知,就當咗佢係婚展啲staff咁問,佢都完全解答哂我哋,亦都好樂意約我哋去睇場同開會,睇哂所有嘢知道哂先拍板簽contract。

呢度嘅場地環境同食物質素我哋都好滿意。場地好闊落,可以擺到五十幾圍,但係我哋只係擺二十圍,到咗Minimum pay就算唔係太多圍數,佢都俾我哋包場,呢點真係非常之好!而且,佢出面證婚個位真係好靚,不過當然天氣要許可,嗰個位係日光照落嚟真係好靚,真係一絕!嘢食我哋都覺得好滿意,因為我哋當日冇食到,當晚都冇食到。但係佢哋好好,會知道我哋新人同父母都好忙,冇時間食,佢會幫你存菜,將你嗰份直情連檯都唔上,直接pack好哂入盒俾我哋拎走。我同我老婆媽咪都係拎走啲嘢食返屋企食,已經係凌晨兩三點,但係我哋凍食都覺得滿意,熱食應該係好好。聽返啲賓客嘅feedback都係中上至好,所以我都覺得滿意。

如果要再improve,我覺得交通可以再好啲。因為佢哋啲shuttle好疏,同埋時間延長都係要加錢。但係要明白佢個位都比較偏僻,如果住市區啲人入去都係靠shuttle,佢哋啲shuttle半個鐘一班,如果可以再密啲就好啲。同埋散席架車都係,本身default就係十圍一架,但係都好多人唔夠位坐,如果交通方面安排得好啲就會更好。好在我哋有啲賓客直接飛的走,所以都安排到。

我哋都有用埋佢哋啲司儀,司儀已經好早announce關於shuttle嘅安排,佢哋都知道哂如果賓客選擇搭shuttle嘅就會早啲走。呢方面司儀都好好,知道哂個程序,安排得好好!。

整體滿意度 
4.5
服務態度 - 婚前接洽 
4.5
服務態度 - 婚宴當日 
5
場地環境 
5
食物質素 
4
服務承諾達到 
4.5
價格適中 
5
商戶名稱
會所1號 科學園
婚宴日期 
2017/04/14
是次最終消費 
HK$ 8500
 / 圍