四季薈 - My Day My Seasons - My Day

服務詳情

服務種類:
婚宴服務
整體評分:
4.2
4.2分
服務/套餐價格:
中式: HK$12667/圍 起
西式: HK$1350/位 起
18

套餐價格及詳情

暫未啟用

套餐價格及詳情

暫未啟用

評語 提交評語

Sharon 2018/10/08 10:14:19

我地一開頭其實都無諗住擺酒,到後來真係要擺嘅時候就想啲地點較方便。之後咁啱搵到My Day,見佢地係新裝修,入面唔需要我地點樣佈置都已經好靚,而且location好方便,地鐵直接去到,唔會唔就腳。我地又唔使擺好多圍,大約係13-14,My Day嗰度對於呢個圍數都好適合,所以我地好快睇完已經覺得啱,就揀左佢地,已經無再點去比較或者再搵其他。

同我地接洽嘅第一位員工一開始嘅時候都好helpful,但去到後尾就隔好耐先會覆我啲問題,甚至乎再後期啲我要打去佢地公司度先搵到佢。之後,因為佢地公司好似有啲轉手定唔知咩野,就換左第二位同事。其實當時我地都好擔心,都驚一轉手唔知之前傾嘅嘢會唔會又要再講過,或者同上一個講嘅野又會有出入,會唔會混亂等等。但好在接手個位都好好,只係去到後尾竟然又要轉多一個接手!其實我地都有啲唔開心同埋唔高興,因為係咁轉人,但最後嗰位同事都真係跟得好好,同埋佢地中間都交接得好好,令到我地安心返。佢之後都有同我地道歉,話唔好意思~公司人手上有啲混亂。我地都感受到呢位同事係好有經驗,佢係連當日啲交通會有咩安排都記得好清楚,擺酒當日好多細節佢又已經一早處理好哂,變左我地都真係唔使諗要點follow up!啲歌我地事前就send定俾佢地,佢地就幫我地做個testing,big day當日最後都好smooth~!

試菜方面,我地早一年落訂,係到big day兩個月前先試菜~啲嘢都好好味,比我預期嘅好。因為我之前都有朋友去過My seasons,就話啲野食好唔得,不過我地訂西式buffet,質素同效果出到尼都好好。

唯一有一樣我地唔太滿意嘅係佢地嘅partner公司。我地一開頭揀咗個包埋婚紗同男禮,化妝,攝影同video嘅package。我去試妝之後覺得化出尼嘅效果係完全唔得!我本身對啲衫都無咩要求,但去到我真係完全揀唔落手,變左package包咗嘅我完全都唔敢用,全部都要出去搵過第二間。我地都有同My day嗰邊表達返呢啲partner公司真係唔係好得,我地用唔到。佢地就話私下都識人做呢行,可以幫我地問下,但係錢方面就唔可以refund,不過可以計返個價錢送返餐前小食俾我地。我地都覺得如果佢地可以轉過啲partner公司會好好多…

Big day當日我地都好忙,跟住我嗰位staff都好好,好有耐性咁幫我執呢樣執嗰樣,好多嘢佢都有提我。當日場地啲staff都好好,服務好同埋跟得好足,唔會話見到都唔幫手,都會好主動咁幫手收碟,感覺都好周到。我印象中當日有位同事叫Frankie都好幫得手,啲賓客都好滿意。對於My Day嘅服務整體都好滿意,無咩可以挑剔~!

整體滿意度 
4.5
服務態度 - 婚前接洽 
4
服務態度 - 婚宴當日 
5
場地環境 
4.5
食物質素 
4.5
服務承諾達到 
5
價格適中 
4
商戶名稱
四季薈 - My Day
婚宴日期 
2017/12/31
是次最終消費 
HK$ 1500
 / 位
Whisky 2018/08/24 10:22:28

我見佢地點方便,加上有個我好鐘意嘅既空中花園做證婚,所以就揀佢地。個場係靚同埋新,但係就唔算話好闊落,用落都ok,不過佢設計上有個彎位,所以唔係個個位都睇到個臺。新娘房比較細,我化妝師入到去都話真係好細!我坐低咗,化妝師企係後面已經貼住個櫃,而左右基本上都係只能夠分別放多一個人咁多。其實我一開始個陣join既係my day,但後來先知道my day同my season已經合併,所以本身跟我嗰個staff都轉咗。佢哋官方中間都無乜解釋過發生緊咩事,我都係聽返出面其他人講先知佢哋兩件公司合併咗。我個陣見my day話自己唔係屬於my season我先揀,不過後來轉咗之後我都覺得ok,我wtsapp問既野佢地都會答我。我覺得當日係我身邊既staff都幾好,跟得幾足,唔會比個婚禮太overrun,係簽紙既時候overrun咗少少啫。野食方面,其實我係揀中菜,但試食個陣係得buffet(因為佢哋送buffet比我地),所以我都係搏一搏架咋哈哈,好在最後都算唔錯~ 同埋都好多賓客同我講個場地好靚!

整體滿意度 
3.5
服務態度 - 婚前接洽 
3.5
服務態度 - 婚宴當日 
4
場地環境 
4.5
食物質素 
3
服務承諾達到 
4
價格適中 
3
商戶名稱
四季薈 - My Day
婚宴日期 
2018/03/17
是次最終消費 
HK$ 12000
 / 圍
Leeyanwa916 2018/08/10 15:40:47

我地之前聽過朋友介紹My Seasons唔錯,然後到我哋行婚紗展時見到佢地個booth就埋去睇睇。我地同sales傾完,覺得最吸引嘅地方就係有一個戶外證婚場地,黃昏嘅時候仲可以睇到日落。而且睇相見佢哋啲擺設好靚,又有西式宴會offer,比較特別,所以我地考慮左一晚就決定揀佢哋。

喺整個預備過程中,我覺得佢地都好有耐性,態度都好好。除咗上去會面,我哋中間都會用whatsapp溝通,有時過左佢地working hour,佢地都會好有耐性覆我地。

到Big Day個日,成個流程都好暢順,一開始就同我地講解個rundown。主要當日就有一位顧問、一位負責當日service嘅經理,同埋一位跟足我太太嘅staff。嗰位staff都好take care我太太,上台時同要去化妝個啲都會提點,中間又會攞啲野俾佢食,服務都好貼心。中間我地有甩漏嘅時候,佢地又會好好咁提我地,特別時間安排嗰方面。食物我哋揀咗buffet形式,啲賓客feedback都唔錯,其中一啲野食差唔多無晒嘅時候佢哋好快就有人refill,質素都唔錯。

整體滿意度 
4.5
服務態度 - 婚前接洽 
4.5
服務態度 - 婚宴當日 
4
場地環境 
4
食物質素 
4
服務承諾達到 
5
價格適中 
4
商戶名稱
四季薈 - My Day
婚宴日期 
2018/03/21
是次最終消費 
HK$ 1200
 / 位
Quinn 2018/07/27 09:54:41

揀尼個地方最主要嘅原因都係因為地點方便而且場地好靚。我地一開始去open day嘅時候,啲staff都好好,有介紹咩日子咩時間仲用得呀,唔同時段唔同嘅做法咁。啲staff都好友善,唯一開頭嘅溝通有啲問題,初頭話我地想揀個日仲有位,就叫我地去婚展睇下場同埋落埋訂喇,去到落左訂都好順利,但落完訂5分鐘突然間同我地講話岩岩有人訂左,要我地轉第二日或者俾返訂我地,咁最後我地都因為好中意佢場地,所以就轉左第二日,就變左我擺酒同行禮分開左兩日喇。不過當日都好好嘅,佢地又有live band係到表演,所以氣氛都好好,好似成件事upgrade左咁。另外佢地啲配套都盡量配合返我地,佢地本身係包埋律師證婚嘅,但因為我地會去教堂行禮證婚,所以佢地都有幫我地轉返其他服務。佢地都有提供photo booth 呀、餐前小食,咁都好好有額外做多過本身寫嘅3甜3咸,最後都應該有7-8樣食物。同埋佢地都有包埋印帖,不過尼個係我地係婚展落訂先有嘅優惠,雖然字體個啲設計上會多D限制,但係出尼嘅效果都好嘅,亦都有送名牌俾我地。當日,本身我地都多長輩要斟茶,所以我地都想早啲開始個切餅儀式,但因為初頭合約寫好左係6點開始,個consultant話會盡力幫我地安排,最後都可以俾我地早啲開始。特別佢地都安排左一個staff全程跟住我,非常細心、非常有經驗,又會斟水俾我飲呀,照顧周到,每次影相前都會幫我執頭執尾,整好條裙,確保我每次都係最靚咁出去。

整體滿意度 
4.5
服務態度 - 婚前接洽 
3.5
服務態度 - 婚宴當日 
5
場地環境 
4.5
食物質素 
4
服務承諾達到 
5
價格適中 
3.5
商戶名稱
四季薈 - My Day
婚宴日期 
2018/04/29
是次最終消費 
HK$ 13000
 / 圍
Germanybb 2018/04/16 21:25:20

呢到會有埋個户外證婚場地比我,同埋成個design既色tone都係我想要既tiffany blue,我係呢到擺左9圍!我搵佢地個時係assign左2個staff比我,一個係sales負責落訂比錢個D,另一個就係consultant負責個rundown個D,感覺都幾反應快!Big Day個日,我唔係食左好多,但係個翅好咸!但個價錢其實係偏貴,因為佢地個lumpsum好貴,係包+1, 場地攝影,租埋婚紗個堆,仲有decoration,雖然個candy corneri係靚,但你個圍數一路加上去,個lumpsum就愈大,你擺得愈多圍愈貴!

整體滿意度 
4
服務態度 - 婚前接洽 
5
服務態度 - 婚宴當日 
4.5
場地環境 
5
食物質素 
4
服務承諾達到 
5
價格適中 
2
商戶名稱
四季薈 - My Day
婚宴日期 
2018/03/03
是次最終消費 
HK$ 13000
 / 圍